ພະຍາດໜ້າເຖົ້າເຮັດໃຫ້ເດັກສາວອາຍຸ 15 ປີໜ້າເຖົ້າປານອາຍຸ 60 ປີ

ສ່ຽວ ເຟິງ ຕັດສິນໃຈຂຽນຈົດຫມາຍຂໍຄວາມຊ່ວຍເຫລືອໄປຖຶງ ກັ໊ວະ ຫມິງອີ້ ຮອງປະທານສະຫະພັນແຣງງານແຫ່ງສາທາລະນະລັດປະຊາຊົນຈີນ ຊຶ່ງໄດ້ຊື່ວ່າເປັນໃຈບຸນ ເລົ່າປັນຫາວ່າ ລາວອາຍຸແຄ່ 15 ປີ ແຕ່ເຖົ້າຄືຄົນອາຍຸ 60 ບໍ່ເຄີຍກ້າຖ່າຍຮູບເຊວຟີແມ້ແຕ່ຄັ້ງດຽວ ແລະ ບໍ່ມີເພື່ອນເລີຍ “ບໍ່ມີໃຜຢາກຫຼິ້ນນຳ ມີແຕ່ນົກພິຣາບທີ່ເຕັມໃຈເປັນເພື່ອນ ພວກເຂົາບໍ່ມັກນ້ອງຫຼືບໍ່ກໍ່ເພາະຄິດວ່ານ້ອງອັບປະລັກ ນ້ອງຢາກກັບໄປໃຊ້ຊີວິດປົກກະຕິ ບໍ່ຕ້ອງຮູ້ສຶກວ່າຈະຕ້ອງຫນີສາຍຕາຄົນອື່ນ ຫຼື ຖືກສຽງກະຊິບກະຊາບຂອງເພື່ອນຮ່ວມຊັ້ນຄອຍຫລອກຫລອນ”,

ກັ໊ວະ ຫມິງອີ້ ໄດ້ຕິດຕໍ່ໄປທີ່ຄລີນິກສັນຍະກຳພລາສຕິກ ເສິ່ນຫຢາງ ຊິງຫລິງ” ຊຶ່ງທາງຄລິນິກກໍ່ໃຫ້ສ່ວນລົດ 70% ຈາກລາຄາເຕັມ 5 ແສນຫຍວນ ( 2.1 ລ້ານບາດ ) ຈາກນັ້ນ ໄດ້ຈັດງານລະດົມທືນໃຫ້ກັບເດັກຍິງອາພັບ ເມື່ອ 7 ທັນວາ ໂດຍພາສ່ຽວ ເຟິງ ແລະ ຄອບຄົວມາຮ່ວມງານ ເພື່ອຮັບບໍລິຈາກ ຊຶ່ງວັນນັ້ນໄດ້ເງິນ 4 ຫມື່ນຫຍວນ ຕໍ່ມາເມື່ອວັນອາທິດ ນັກແລ່ນກວ່າ 1 000 ຄົນ ເຂົ້າຮ່ວມງານແລ່ນມາລາທອນ ທີ່ກັ໊ວະຈັດຂຶ້ນເພື່ອການນີ້ລະດົມທຶນໄດ້ອີກກວ່າ 1.5 ແສນຫຍວນ

ສັນຍະແພດກ່າວວ່າ ສ່ຽວ ເຟິງ ເປັນພະຍາດໂພຣເຈີເຣຍ ຄວາມຜິດປົກກະຕິທາງພັນທຸກຳທີ່ພົບໃນເດັກ 1 ໃນ 8 ລ້ານ ເຮັດໃຫ້ຜູ້ປ່ວຍແກ່ກ່ອນໄວ, ສາວຈີນໄວລຸ່ນອາຍຸ 15 ປີ ທີ່ໃຊ້ນາມແຝງວ່າ “ສ່ຽວ ເຟິງ” ຊາວເມືອງຈິ່ງໂຈ ມົນທົນຫລຽວຫນິງ ໂຊກຮ້າຍປ່ວຢເປັນພະຍາດປະຫລາດທີ່ເກິດຈາກຄວາມຜິດປົກກະຕິທາງພັນທຸກຳ ເຮັດໃຫ້ໃບຫນ້າຄືຄົນເຖົ້າອາຍຸ 60 ປີ ຮູ້ສຶກເປັນປົມດ້ອຍ ແລະ ທໍ້ແທ້ຕໍ່ໂຊກຊະຕາ ແຕ່ລ່າສຸດ ຄົນໃຈດີຈຳນວນຫຼາຍລົງຂັນບໍລິຈາກເປັນຄ່າໃຊ້ຈ່າຍໃນການຜ່າຕັດສັນຍະກຳ ຫວັງວ່າລາວຈະໄດ້ມີຊີວິດສົມໄວເສຍທີ,

ສ່ຽວ ເຟິງ ເກິດໃນຄອບຄົວຊາວນາ ເມືອງຈິນໂຈ ມົນທົນຫລຽວຫນິງ ພໍ່ລາວກ່າວວ່າ ຜິວຂອງລູກສາວເລີ່ມຫ່ຽວຍານຕັ້ງແຕ່ 1 ປີ ແລະ ເປັນແຮງລົງຕາມລຳດັບເມື່ອໃຫຍ່ຂຶ້ນ ຫລັງຈົບຈາກໂຮງຮຽນມັດທະຍົມຕອນຕົ້ນແລ້ວ ລາວບໍ່ຢາກໄປຮຽນ ເກັບຕົວຢູ່ແຕ່ໃນເຮືອນ ເພາະຍ້ານການພົບເພື່ອນໃຫມ່,

ພໍ່ຂອງລາວ ກ່າວວ່າ ລູກສາວເປັນເດັກງຽບໆ ຮຽບຮ້ອຍ ມັກແຕ່ງຫນ້າ ແຕ່ບໍ່ມີໃຜຫຼິ້ນນຳ ຕອນຢູ່ໂຮງຮຽນປະຖົມ ມັກຖືກເຂົ້າໃຈຜິດວ່າເປັນແມ່ຂອງເດັກຄົນອື່ນ ແມ່ຂອງລາວກໍ່ປ່ວຍເປັນພະຍາດດຽວກັນ ລູກສາວໍ່ເຄີຍອອກໄປໃນເມືອງກັບແມ່ ເພາະຜູ້ຄົນຄອຍຈະຈ້ອງເບິ່ງ ແລະ ແອບຊຸບຊິບ, ສື ຫລິງຈື ຜູ້ອຳນວຍການຄລິນິກຊິງຫລິນ ກ່າວວ່າ ລາວ ແລະ ທີມແພດຍິນດີຫຼາຍທີ່ມີສ່ວນຊ່ວຍເຫລືອສ່ຽວ ເຟິງ ເພາະມີສັກກະຍະພາບທີ່ເຮັດໄດ້

ຜູ້ປ່ວຍພະຍາດໂພຣເຈີເຣຍສ່ວນໃຫຍ່ ມັກມີອາການທີ່ຜິວຫນັງ ແລະ ອະໄວວະອື່ນດ້ວຍ ແຕ່ ສ່ຽວ ເຟິງ ແລະ ແມ່ຂອງລາວ ອອກອາການສະເພາະຜິວຫນັງເທົ່ານັ້ນ ບໍ່ກະທົບອະໄວຍະວະອື່ນ ສັນຍະແພດ ຕຽມຜ່າຕັດໃຫ້ລາວພາຢໃນເດືອນນີ້ ໂດຍຈະໃຊ້ວິທີການຜ່າຕັດທີ່ທັນສະໄຫມຜູ້ປ່ວຍຈະສາມາດຟື້ນໂຕໄດ້ໃນເວລາ 15 ມື້