ຖຽງກັນສະນັ່ນຕະຫລາດຈາກເລື່ອງຕາຊີງຂອງແມ່ຄ້າ

ທ້າຍເດືອນເມສາ 2020 ເປັນກະແສທີ່ກໍາລັງຮ້ອນຢູ່ຕອນນີ້ ສໍາລັບປະເດັນແມ່ຄ້າຢູ່ຕະຫຼາດແຫ່ງໜຶ່ງໃນແຂວງສະຫວັນນະເຂດ ໂກງຕາຊິງລູກຄ້າ ຈາກຊື້ກຸ້ງ 4 ໂລທີ່ແມ່ຄ້າຊັ່ງຊິງຂາຍໃຫ້ ແຕ່ເມື່ອເອົາໄປຊັ່ງຊິງທໍາມະດາໜ່ວຍໃໝ່ກັບມີພຽງ 2,5 ກິໂລເທົ່ານັ້ນ, ເຊິ່ງເຮັດລູກຄ້າກັບມາໂວຍແມ່ຄ້າ ແລະ ມີປາກສຽງກັນສະນັ່ນຕະຫຼາດ.

ເຫດການດັ່ງກ່າວເກີດຂຶ້ນຢູ່ຕະຫຼາດແຫ່ງໜຶ່ງຢູ່ ແຂວງສະຫວັນນະເຂດ ໂດຍມີຜູ້ໃຊ້ເຟສບຸກຊື່ ສົມໝາຍຕະຫຼາດນາດີ ໂພສຄິບ, ຮູບພາບ ພ້ອມຂໍ້ຄວາມລະບຸໄວ້ວ່າ: “ຝາກເຕືອນໄພເດີທຸກໆຄົນ… ຂ້ອຍໄປຊື້ຂອງ(ຕະຫຼາດສົດສະຫວັນໄຊ)ແຂວງສະຫວັນນະເຂດ ຊື້ກຸ້ງ 4 ໂລມາຕິດຊິ່ງຂ້າງໆໃດ້ 2.5 ກຳ ຊື້ບຶກ 10 ໂລຕິດໃດ້ 6.9 ກຳ ຊື້ໜວດ 1.5 ຕິດ 8 ກຳ ຂໍ່ສົງຄືນກະບໍ່ຍອມ ຝາກກົດໄລກົດແຊ ໄຫ້ຮອດໄຫ້ເຖິງໜ່ວຍງານທີ່ກ່ຽວຂ້ອງ…ເສຍດາຍບໍ່ມີຄິບເຕັມ…”

ແນວໃດກໍ່ຕາມ ຢາກໃຫ້ທຸກຄົນລໍຖ້າຟັງສຽງຈາກແມ່ຄ້າກ່ອນ ບໍ່ຢາກໃຫ້ຟັງຄວາມຂ້າງດຽວ, ທັງນີ້ ວອນຂໍໃຫ້ພາກສ່ວນກ່ຽວຂ້ອງລົງກວດກາຫາຄໍາຕອບເພື່ອສ້າງຄວາມເຊື່ອໝັ້ນໃຫ້ແກ່ປະຊາຊົນທີ່ໄປໃຊ້ບໍລິການໃນຕະຫຼາດແຫ່ງນີ້ດ່ວນ. ແລະຫຼ້າສຸດແມ່ຄ້າໄດ້ອອກມາເລົ່າເຫດການທີ່ເກີດຂື້ນລອງຟັງສຽງແມ່ຄ້າໃນເຫດການຜິດຖຽງກັນທີ່ຕະຫລາດສະຫວັນໄຊເລີຍເດີ່