ທິດນີ້ຈະມີຝົນຕົກລົມພັດແຮງຢູ່ບາງທ້ອງຖິ່ນແຕ່ລະພາກ

ລະວັງ ອຸຕຸມີເຕືອນໄລຍະວັນທີ 22-24 ເມສາ 2020 ນີ້ ຈະມີຝົນຕົກ, ລົມພັດແຮງຢູ່ບາງທ້ອງຖິ່ນໃນແຕ່ລະພາກຊ່ວງຕອນບ່າຍ ຫາ ກາງຄືນ ກົມອຸຕຸນິຍົມ ແລະ ອຸທົກກະສາດ ມີຄຳເຕືອນວ່າ: ໃນໄລຍະວັນທີ 22 ຫາ 24 ເມສາ 2020 ກະແສລົມຕາເວັນຕົກ-ຕາເວັນຕົກສ່ຽງໃຕ້ ຈະມີກຳລັງແຮງພັດປົກຄຸມເປັນສ່ວນໃຫຍ່ ເຊິ່ງຈະເຮັດໃຫ້ມີຝົນຕົກຟ້າຮ້ອງຟ້າເຫຼື້ອມ

ໃນລະດັບຄ່ອຍ ຫາ ປານກາງ ແລະ ຕົກໜັກ ພ້ອມມີລົມພັດແຮງຢູ່ບາງທ້ອງຖິ່ນໃນແຕ່ລະພາກ ເຊິ່ງຈະເຮັດໃຫ້ມີຟ້າຜ່າ ແລະ ມີລົມພັດແຮງ ທີ່ອາດຈະເຮັດໃຫ້ຕົ້ນໄມ້ໃຫຍ່ ແລະ ເສົາໄຟຟ້າຫັກລົ້ມ ໃນໄລຍະຕອນບ່າຍ ຫາ ກາງຄືນ. ດັ່ງນັ້ນ, ຈຶ່ງແຈ້ງເຕືອນເຖິງອໍານາດການປົກຄອງ ແລະ ປະຊາຊົນບັນດາເຜົ່າ ໃຫ້ມີສະຕິລະມັດລະວັງ ຕໍ່ສະພາບອາກາດຮ້າຍແຮງ ທີ່ຈະເກີດຂຶ້ນ.