ຜູ່ໃຈບຸນກຳລັງພາອະດີດຄູອາສາທີ່ປ່ວຍເປັນເບົາຫວານໄປໂຮງໝໍ

ວັນທີ 22/9/2020 ທີ່ນະຄອນຫຼວງວຽງຈັນ ຈາກຜູ່ໃຊ້ເຟສທີ່ມີຊື່ວ່າ Dalavone Vone ໄດ້ໂພສວ່າ “ເຈີແລ້ວເດີ ຜູ້ທີ່ມີບາດແຜຢູ່ຂາ ລາວອາໃສຢູ່ ນະຄອນຫຼວງວຽງຈັນ ເດີ ຢູ່ເຮືອນຮ້າງເຂົາເຈົ້າ ສະພາບການເປັນຢູ່ແມ່ນບໍ່ມີຫຍັງເລີຍ ມີແຕ່ສາດຜືນດ່ຽວ ຂ້ອຍກຳລັງຈະເອົາລົດພາລາວໄປໂຮງຫມໍ”

ຂ່າວກ່ອນໜ້ານີ້ ອະດີດຄູສອນ​ອາສາສະໝັກ​ ໂຮງຮຽນແຫ່ງໜຶ່ງ….​ ສອນມາໄດ້ 6​ ປີ ຍັງບໍ່ໄດ້ລັດຖະກອນ​ ຊ້ຳພັດມາປະສົບກັບບັນຫາຊີວິດທີ່ໜັກໜ່ວງ ຖະລົ່ມເຂົ້າມາ ບໍ່ຮູ້ວ່າເວນກຳອັນໃຈ ຟ້າແຖນອິນພົມຈຶ່ງລົງໂທດທັນເພິ່ນໄດ້ພຽງນີ້ ຫຼັງຈາກພໍ່ແມ່ໄດ້ເສຍຊີວິດປະແລ້ວ ສຸຂະພາບຮ່າງກາຍກໍ່ປະເຊີນກັບພະຍາດ ເຈັບໄຂ້ໄດ້ປ່ວຍ​ (ເປັນເບົາຫວານຢູ່ທີ່ກົກຂາ)​ຈົນອ່ອນແຮງ​

ຍາດຕິພີ່ນ້ອງກໍ່ບໍ່ຫົວຊາສົນໃຈ​ ສຸດທ້າຍກໍ່ຊັກເຊພະເນຈອນ ມາເປັນຂໍທານ..​.. ຊີວິດຊ່າງໜ້າສົງສານ ລາວເປັນຄົນ ບ້ານນ້ຳຫງຳ ແຂວງຊຽງແຂວງ ຂໍຄວາມເມດຕາຈາກທ່ານຜູ້ໃຈບຸນ​ ຊ່ວຍເຫຼືອ​ເພິ່ນແນ່ເດີ​ ກາຍໄປກາຍມາແວ່ໄປຊ່ວຍເພິ່ນແນ່ ເພິ່ນນັ່ງຂໍທານຢູ່ຕະຫຼາດ​ໂພນຕ້ອງ​ ນະຄອນຫຼວງວຽງຈັນ ອະດີດຄູສອນ​ອາສາສະໝັກ​ ຊີວິດຕົກຕ່ຳ ມາເປັນຂໍທານ.

ວັນທີ 22/9/2020 ທີ່ນະຄອນຫຼວງວຽງຈັນ ຈາກເຟສບຸກທີ່ມີຊື່ວ່າ Dalavone Vone ໄດ້ໂພສວ່າ “ຂໍຖາມເພືອນແດ່ ຮູ້ທີ່ຢູ່ລາວບໍ ລາວວ່າລາວຢູ່ເຮືອນຮ້າງເກົ່າເຂົາເຈົ້າຢູ່ທາງໂຄ້ງ ຂ້ອຍບໍ່ຮູ້ວ່າໂຄ້ງໃດແຖວ ໂພນຕ້ອງ ຂ້ອຍຢາກເອົາລາວໄປປົວ ຄ່າໃຊ້ຈ່າຍນ້າຂ້ອຍຈະອອກໃຫ້ມື້ນີ້ບໍ່ເຫັນລາວມາຕະຫລາດຂາລາວເປັນແຜ ເລືອດໄຫລບໍ່ເຊົາ ໂຕສັ່ນທົດທົດຢູ່

ຂ້ອຍເຈີລາວຕອນປິດຮ້ານແລ້ວ 8 ໂມງແລງ ຂ້ອຍຊື້ແຕ່ເຂົ້າກັບຂອງກີນໃຫ້ ລາວ ເຫັນລາວເທື່ອທຳອິດ 2 ເດືອນກ່ອນ ເຫັນເທື່ອທີ່ 2 ມື້ວານນີ້ ຂ້ອຍບອກລາວວ່າຈະເອົາໄປໂຮງຫມໍ

ແຕ່ມື້ນີ້ບໍ່ເຫັນລາວມາຕະຫລາດ ລົບກວນແດ່ເດີຖ້າໃຜຮູ້ບ່ອນຢູ່ລາວຫາບອກແດ່ເດີ ລາວບໍ່ມີພີ້ນ້ອງເລີຍ ລາວເປັນຄົນ ແຂວງຊຽງຂວາງ ບ້ານນຳ້ຫງຳ ຂ້ອຍຖາມລາວ ລາວບອກທໍ່ນີ້”