ປະຫວັດຂອງຜູ່ຕິດເຊື້ອໂຄວິດ19ລາຍໃໝ່ແພດໝໍພ້ອມຕໍ່ສູ້ກັບໂຄວິດ19

ແຂວງຈໍາປາສັກ ເປັນກໍາລັງໃຈໃຫ້ນັກຮົບເສື້ອຂາວທີ່ເຮັດການຄຸ້ມຄອງກໍລະນີ (ປິ່ນປົວ) ຜູ້ຕິດເຊື້ອ Covid-19 ຄົນທໍາອິດຢູ່ສູນໂພນທອງ ແຂວງຈຳປາສັກ,ໄດ້ເລີ່ມຕົ້ນປະຕິບັດການແລ້ວແຕ່ວັນທີ່ 21 ມັງກອນ 2021. ຂໍໃຫ້ປະຕິບັດໜ້າທີ່ຢ່າງປອດໄພ ແລະ ປິ່ນປົວຄົນເຈັບໃຫ້ຫາຍດີ. ຄະນະສະເພາະກິດ ຢືນຢັນ ຜູ່ຕິດເຊື້ອໃໝ່ 2 ຄົນ ກົດຊົມຄລິບການຖະແຫຼງຂ່າວ. ກໍລະນີທີ່ 42: ເປັນເພດຍິງ ອາຍຸ 33 ປີ ຈາກແຂວງຈໍາປາສັກ ກັບມາຈາກປະເທດໄທ,

ກໍລະນີທີ່ 43: ເປັນເພດຊາຍ ສັນຊາດຈີນ ເຂົ້າມາຈາກໄທ ຂ້າມມາແຂວງບໍ່ແກ້ວ ສປປ ລາວ, ສປປ ລາວ ກວດພົບຜູ້ຕິດເຊື້ອພະຍາດໂຄວິດ-19 ເພີ່ມອີກ 2 ຄົນ. ຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂພະຍາດໂຄວິດ-19 ໄດ້ໃຫ້ຮູ້ໃນວັນທີ 22 ມັງກອນ 2021 ນີ້ວ່າ: ສປປ ລາວ ກວດພົບຜູ້ຕິດເຊື້ອພະຍາດໂຄວິດ-19 ເພີ່ມອີກ 2 ຄົນ ທີ່ເດີນທາງມາແຕ່ປະເທດໄທ, ຕົວເລກສະສົມທັງໝົດ 43 ຄົນ, ປິ່ນປົວຫາຍດີແລ້ວ 41 ຄົນ.

ທ່ານ ດຣ. ພູທອນ ເມືອງປາກ ຮອງລັດຖະມົນຕີ ກະຊວງສາທາລະນະສຸກ ຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂພະຍາດໂຄວິດ-19 ໄດ້ແຈ້ງໃຫ້ຮູ້ວ່າ: ວັນທີ 21 ມັງກອນ ຄະນະສະເພາະກິດໄດ້ ກວດພົບຜູ້ຕິດຕິດເຊື້ອພະຍາດໂຄວິດ-19 ເພີ່ມອີກ 2 ກໍລະນີ ຄື: ກໍລະນີທີ 42 ເປັນເພດຍິງ ອາຍຸ 33 ປີ, ສັນຊາດລາວ, ອາຊີບ ກໍາມະກອນ; ປະຫວັດການເດີນທາງ: ເດືອນກໍລະກົດ 2020 ໄປເຮັດວຽກຢູ່ ນະຄອນຫລວງບາງກອກ ປະເທດໄທ, ຍ້ອນສະພາບການລະບາດຂອງພະຍາດໂຄວິດ-19 ຢູ່ບ່ອນເຮັດວຽກໄດ້ປິດກິດຈະການລົງ,

ວັນທີ 18 ມັງກອນ ເດີນທາງກັບຄືນປະເທດ ຈາກນະຄອນຫລວງບາງກອກ ຜ່ານຈັງຫວັດ ສີສະເກດ, ຮອດຈັງຫວັດອຸບົນ ວັນທີ 19 ມັງ ກອນ. ຈາກນັ້ນ, ເຊົ່າເໝົາລົດຕູ້ຜ່ານດ່ານຊ່ອງເມັກ ແຂວງຈໍາປາສັກ ຮ່ວມເດີນທາງມານໍາກັນ 8 ຄົນ ແລະ ຖືກຈໍາກັດບໍລິເວນຢູ່ສູນຫລັກ 21 ເມືອງ ປະທຸມພອນ ແຂວງຈໍາສັກ ແລະ ໄດ້ເກັບຕົວຢ່າງມາກວດ, ເຖິງວັນທີ 20 ມັງກອນ ໄດ້ຮັບຜົນກວດ ຈາກຫ້ອງວິເຄາະແຂວງຈໍາປາສັກ ວ່າເປັນຜົນບວກ, ແຕ່ເພື່ອຄວາມແນ່ນອນ ໄດ້ສົ່ງຕົວຢ່າງມາກວດ ຢູ່ນະຄອນຫລວງວຽງຈັນອີກ ແລະ ພົບວ່າມີຜົນບວກເປັນກໍລະນີທີ 42.

ຂະນະດຽວກັນ ຄະນະສະເພາະກິດຂອງແຂວງຈໍາປາສັກ ໄດ້ຕິດຕາມຫາຜູ້ໃກ້ຊິດ ທັງໝົດ 40 ຄົນ ມາກວດຫາເຊື້ອພະຍາດ ແຕ່ບໍ່ພົບຜູ້ຕິດເຊື້ອແຕ່ຢ່າງໃດ. ສຳລັບກໍລະນີທີ 43 ເປັນເພດຊາຍ ອາຍຸ 29 ປີ ເປັນສັນຊາດຈີນ, ປະຫວັດການເດີນທາງແມ່ນ ປັດຈຸບັນໄດ້ເອົາຜູ້ກ່ຽວໄປແຍກປ່ຽວ ແລະ ຕິດຕາມປິ່ນປົວຢູ່ໂຮງໝໍແລ້ວ. ນັບແຕ່ເດີນທາງເຂົ້າມາ ສປປ ລາວ ມີຜູ້ໃກ້ຊິດທັງໝົດ 37 ຄົນ, ແຕ່ລະຄົນໄດ້ເກັບຕົວຢ່າງມາກວດ ແຕ່ບໍ່ພົບເຊື້ອ ແລະ ຖືກຈໍາກັດບໍລິເວນຢູ່ສູນໝົດທຸກຄົນແລ້ວ.

ຂໍຂອບໃຈ, ຂ່າວກ່ອນໜ້ານີ້ ເມື່ອບໍ່ດົນມານີ້ ໜັງສືພິມວຽງຈັນທາມ ໄດ້ສຳພາດພະນັກງານແພດ-ໝໍ ໂຮງໝໍ 150 ຕຽງ ໂດຍສະເພາະຜູ້ທີ່ໄດ້ຮັບການສັກວັກຊີນປ້ອງກັນ ໂຄວິດ-19 . ຜ່ານການໃຫ້ສຳພາດຂອງທ່ານໝໍໄດ້ຮັບການຢືນຢັນວ່າ: ບໍ່ມີຄວາມຮູ້ສຶກຜິດປົກກະຕິໃດໆທີ່ເປັນຄວາມສ່ຽງ ແລະ ຍິ່ງຮູ້ສຶກປອດໄພຫລັງຈາກທີ່ໄດ້ຮັບການສັກຢາປ້ອງກັນ. ໂດຍຜູ້ທີ່ຖືກສຳພາດໃນຄັ້ງນີ້ມີ ທ່ານໝໍ ດຣ ເພັດກິມ ໄຊຍະເສນ, ດຣ ສົມໄຫວ ໂອງຄຳມີ ແລະ ພະຍາບານ ຈັນສອນ ຊຶ່ງທັງ 3 ທ່ານລ້ວນກ່າວໃນທາງດຽວກັນວ່າ

ບໍ່ມີອາການໄຂ້, ບໍ່ມີອາການເຈັບຫົວ, ບໍ່ເປັນວິນ ຫລື ອາການຂ້າງຄຽງໃດໆ ຍິ່ງໄປກວ່ານັ້ນຍັງຮູ້ສຶກໝັ້ນໃຈ ແລະ ຫວັງວ່າຈະໄດ້ຮັບວັກຊີນມາຕື່ມເພື່ອຈະໄດ້ສັກປ້ອງກັນໃຫ້ບຸກຄົນອື່ນທີ່ມີຄວາມສ່ຽງ ແລະ ປະຊາຊົນທົ່ວໄປ ຊຶ່ງການສັກຜ່ານມານັ້ນແມ່ນສັກໃຫ້ສະເພາະພະນັກງານ ແລະ ບຸກຄົນທີ່ມີຄວາມສ່ຽງເຊັ່ນ: ແພດ-ໝໍທີ່ໃກ້ຊິດກັບຄົນເຈັບ ແລະ ພະນັກງານປະຈຳດ່ານ ເປັນຕົ້ນ. ທັງນີ້, ຜູ້ທີ່ໄດ້ຮັບການສັກຢາປ້ອງກັນຄົບຈຳນວນ ພ້ອມມີໃບຢັ້ງຢືນ ກໍຈະສາມາດເດີນທາງໄປຕ່າງປະເທດໄດ້ເໝືອນໄລຍະປົກກະຕິ