ສາເຫດຂອງການເກີດອຸບັດຕິເຫດທີ່ທາງດ່ວນ ນະຄອນຫຼວງວຽງຈັນ-ວັງວຽງ

ພາຍຫຼັງເສັ້ນທາງດ່ວນ ນະຄອນຫຼວງວຽງຈັນ-ວັງວຽງ ເປີດໃຊ້ຢ່າງເປັນທາງການ ໃນວັນທີ 20 ທັນວາ 2020, ມາເຖິງປັດຈຸບັນ ມີອຸບັດຕິເຫດເກີດຂຶ້ນແລ້ວທັງໝົດ 11 ຄັ້ງ (ບໍ່ລວມອຸບັດຕິເຫດທີ່ເຈົ້າໜ້າທີ່ບໍ່ໄດ້ຮັບແຈ້ງ); ໃນນີ້, ເກີດຢູ່ເຂດວັງວຽງ ແຂວງວຽງຈັນ 3 ຄັ້ງ ແລະ ເກີດຢູ່ເຂດສີເກີດ ເມືອງນາຊາຍທອງ ນະຄອນຫຼວງວຽງຈັນ 8 ຄັ້ງ, ຕໍ່ກັບອຸບັດຕິເຫດທີ່ເກີດຂຶ້ນນັ້ນ ມີຜູ້ຂັບຂີ່ບາດເຈັບເລັກໜ້ອຍ ແລະ ສົມຄວນ 10 ກວ່າຄົນ ແຕ່ຍັງບໍ່ມີຜູ້ເສຍຊີວິດ.

ພັອ ຄໍາເຫຼັກ ໄຊຍະສິດ ຮອງຫົວໜ້າກົມຕໍາຫຼວດຈະລາຈອນ ກົມໃຫຍ່ຕຳຫຼວດ ກະຊວງ ປກສ ກ່າວວ່າ: ພາຍຫຼັງເປີດນຳໃຊ້ເສັ້ນທາງດ່ວນ ນະຄອນຫຼວງວຽງຈັນ-ວັງວຽງ ມາເຖິງປັດຈຸບັນ, ອຸບັດຕິເຫດທີ່ເກີດຂຶ້ນຢູ່ເສັ້ນທາງດ່ວນນັ້ນ ມີ 11 ຄັ້ງ ແຕ່ບໍ່ມີຜູ້ເສຍຊີວິດ; ເຊິ່ງສາເຫດຫຼັກທີ່ພາໃຫ້ເກີດອຸບັດຕິເຫດແມ່ນ ເກີດຈາກການໃຊ້ຄວາມໄວເກີນຂອບເຂດ, ຂັບຂີ່ລົດດ້ວຍຄວາມປະໝາດ, ຂາດສະຕິ ແລະ ບໍ່ຮັກສາໄລຍະຮ່າງໃນເວລາເຂົ້າຊ່ອງຈ່າຍເງິນ; ນອກນີ້, ຍັງເກີດຈາກສັດ (ງົວ, ຄວາຍ, ແບ້) ທີ່ເຂົ້າໄປໃນເສັ້ນທາງດ່ວນ.

ສຳລັບສັດທີ່ເຂົ້າມາເສັ້ນທາງດ່ວນໄດ້ນັ້ນ ແມ່ນຍ້ອນເກີດຈາກປະຊາຊົນລັກຕັດຮົ້ວ ເພື່ອນຳໃຊ້ເສັ້ນທາງດັ່ງກ່າວຂ້າມໄປສວນ-ໄປນາ, ຮົ້ວບາງຈຸດກໍ່ສ້າງບໍ່ໄດ້ມາດຖານ ຍ້ອນໄລຍະກໍ່ສ້າງຮົ້ວຢູ່ໃນຊ່ວງລະດູຝົນ ເຮັດໃຫ້ການກໍ່ສ້າງຮົ້ວລອຍໄປຕາມນ້ຳ ເມື່ອນ້ຳບົກແຫ້ງຈຶ່ງເຮັດໃຫ້ສັດລອດເຂົ້າມາຍ່າງຢູ່ຕາມທາງດ່ວນໄດ້.

ໃນປັດຈຸບັນ, ເຈົ້າໜ້າທີ່ຕໍາຫຼວດຈະລາຈອນ ທີ່ປະຈໍາຢູ່ເສັ້ນທາງດ່ວນ ໄດ້ສົມທົບກັບ ພະນັກງານເສັ້ນທາງດ່ວນ ອອກເຄື່ອນໄຫວໃນການກວດກາສາລະເວຢູ່ຕາມທາງດ່ວນ ແລະ ເມື່ອພົບເຫັນຈຸດໃດທີ່ມີຄວາມສ່ຽງພາໃຫ້ເກີດອຸບັດຕິເຫດ ຈະມອບໃຫ້ເຈົ້າຂອງທາງດ່ວນເລັ່ງປັບປຸງ ແລະ ແກ້ໄຂໃຫ້ວ່ອງໄວທັນການ ເພື່ອແນໃສ່ແກ້ໄຂບໍ່ໃຫ້ເກີດອຸບັດຕິເຫດຢູ່ເສັ້ນທາງດ່ວນ. ຂ່າວກ່ອນໜ້ານີ້ ຮູ້ກັນເເລ້ວບໍ່ ລົດກູ້ໄພ-ໂຮງໝໍສຳລັບຂົນສົ່ງຄົນເຈັບ ແລະ ລົດດັບເພີງ ບໍ່ໄດ້ເສຍຄ່າຜ່ານທາງດ່ວນ ແລະ ຫ້ອງການສາທລະນະສຸກ ເມືອງວັງວຽງໄດ້ລົບລ້າງຂໍ້ຕົກລົງການໃຫ້ຄົນເຈັບ ຫລື ພີ່ນ້ອງຊ່ວຍເສຍຄ່າຜ່ານທາງດ່ວນ ເລກທີ 1304/ຫສມ.

ມາດຕາ 1: ຕົກລັງລົບລ້າງຂໍ້ຕົກລົງສະບັບເລກທີ 1304/ຫສມ , ລົງວັນທີ 28 ທັນວາ 2020 ວ່າດ້ວຍການໃຫ້ຄົນເຈັບ ຫຼື ພີ່ນ້ອງຄົນເຈັບຊ່ວຍຈ່າຍຄ່າທາງດ່ວນ, ມາດຕາ 2: ຂໍ້ຕົກລົງສະບັບນີ້ມີຜົນສັກສິດນັບຕັ້ງແຕ່ມື້ລົງລາຍເຊັນເປັນຕົ້ນໄປ. ຂ່າວກ່ອນໜ້ານີ້ ບົດຮຽນຈາກ ຜູ່ຂັບຂີ່ ທີ່ເກີດອຸບັດຕິເຫດ ເສຍຫຼັກ ໃນວັນທີ 16 ມັງກອນ 2021 ຜ່ານມາ ທີ່ເຂດທາງດ່ວນວຽງຈັນວັງວຽງ, ເຮັດໃຫ້ຮາວກັ້ນທາງເພ ແລະ ນໍ້າມັນເຮ່ຍໃສ່ທາງ, ຖືກປັບໃໝ 19 ລ້ານກີບ ຜູ່ເສຍຫາຍໄດ້ເລົ່າສູ່ຟັງວ່າ: “ສະບາຍດີແອັດ ພໍດີນ້ອງຂີ່ລົດຢູ່ທາງດ່ວນ ເຮັດລົດເສຍຫລັກໄປຕຳເອໄາຮາວ ກະນ້ຳມັນກະປຸກເກຍ ຍ້ອຍໃສ່ພື້ນທາງເພີ່ນ, ທາງວິຊາການຈີນເພີ່ນໄຫມນ້ອງ 19.​000.000 ແອັດມາ,

ຮາວເອີ້ນປຸ້ມນ້ອຍດຽວເອີ້ນ 6.​000.000 ນ້ຳມັນຍ້ອຍໃສ່ທາງທຳອິດເພີ່ນເອີ້ນ 13.000.000. ນ້ຳມັນໄຫມເອົານຳນ້ອງ 13.​000.000 ວ່ານ້ຳມັນ ມັນຊືມເຂົ້າຢາງ ຕ້ອງໄດ້ຂູດອອກເຮັດໃຫມ່ຫມົດວ່າຊັນ, ນ້ອງເບີ່ງແລ້ວບໍ່ສົມເຫດສົມຜົນ ນ້ຳມັນຊາຍກົບໃສ່ແຫ້ງແລ້ວນ້ຳລ້າງອອກກະໄດ້. ເຫດເກີດແມ່ນ ວັນທີ 16/1/2021, ປັບໄຫມເກີນໄປໂພດ ລາວຮົ່ວໂຕຈິງ 4 ມ ເຂົາຂາຍພຽງ 4,000 ບາດ/ອັນໄຫມນ້ອງ 6 ລ້ານ, ນ້ຳມັນກະປຸກເກຍຍ້ອຍໃສ່ເສັ້ນທາງທຳອີດສິເອົານຳ 13.000.000 ຈາກ ທຳອິດສິເອົາ 45.000.000 ນ້ອງວ່ານ້ຳຫັນ ເອົາລົດສະແຕກມາສິດອອກກະໄດ້ເປັນມູນລົດສະແຕກຈັດຄັນມາສີດນ້ອງກ່ໍຈະຈ່າຍ, ແຕ່ເຂົາເອົາກົດຫມາຍເຂົາ. ນ້ອງວ່າຈະໄປຍືນຄຳຮ້ອງກະຊວງຄົມມະນາຄົມແລະການຂົນສົ່ງ ທາງນັ່ນກ່ໍບໍ່ຮັບ ໃຫ້ລອງມາພົວພັນກະຊວງແຜນການແລະການລົງທືນ ນ້ອງເຂົ້າມາຫາພະນັກກ່ໍບອກບໍ່ຮັບເຊັ່ນດຽວ. ຕອນນີ້ເລີຍບໍ່ຮູ້ຈະປືກສາໃຜດີ ສະເພາະຮາວທີ່ມັນຄົດເຂົານັດໃຫ້ນ້ອງເອົາເງີນໄປໃຫ້ 6 ລ້ານສະເພາະຮາວ ຕອນນ້ອງກ່ໍຍັງບໍ່ທັນມີເງີນເພາະສຳເຂົາບິບເຮົາ.”