ຍ້ອນການພະນັນຈື່ງເຮັດໃຫ້ກາຍເປັນນັກຕົ້ມຕຸນ

ຈາກເຟສບຸກ Khamphay Sisavanh ໄດ້ໂພສວ່າ “ໜ້າເສຍໃຈ ແລະ ໜ້າອັບອາຍ ເມື່ອໄດ້ຮັບຂ່າວຈາກ Social Media ວານນີ້ແຈ້ງວ່າ ພໍ່ຄ້າ On-line ລາຍໜຶ່ງ ຢູ່ແຂວງຫຼວງພະບາງ, ອະດີດນັກສຶກສາ ຄສທ ມະຫາວິທະຍາໄລສຸພານຸວົງ (ມີທັງພາບ ປະກາສະນິຍະບັດ ເຊັນໂດຍ ປທ ວິໄຊ ຈັນສະຫວ່າງ)

ກາຍເປັນນັກຕົວະຕົ້ມ ຫຼອກກິນເງິນລູກຄ້າ 300 ລ້ານກີບ (ສັ່ງສິນຄ້າ ຊຳລະເງິນ ແຕ່ບໍ່ສົ່ງສິນຄ້າ). ລູກເອີຍ, ພໍ່ສອນເຈົ້າ ທຸກຕອນເຊົ້າວັນຈັນ ຢູ່ຫຼັກທຸງຕໍ່ໜ້າ ອະນຸສາວະລີສຸພານຸວົງ ຫັ້ນແລ້ວເດ ເຈົ້າເອົາຫູໄປທາງໃດ ພໍ່ວ່າ ໃຫ້ “ຊື່ສັດ, ພັດທະນາ, ຮັກອາຊີບ, ແພງຜູ້ຮຽນ, ພຽນຕົນເປັນແບບຢ່າງ”.

ນອກຈາກນັ້ນ ພໍ່ຢ້ານອາຈານສອນແຕ່ຄວາມຮູ້ທິດສະດີວິຊາການ ຈຶ່ງພາເຈົ້າໄປຮຽນວິຊາການທະຫານ ຫວັງຢາກໃຫ້ເຈົ້າເປັນຄົນມີລະບຽບວິໄນ, ມີວິຊາອາຄົມປ້ອງກັນຕົວ. ພໍ່ພາເຈົ້າເຄື່ອນໄຫວວຽກສັງຄົມ ລົງຝຶກຫັດຕິດພັນຊຸມຊົນ ພາເຈົ້າແອບກິລາກາຍະກຳ ບໍ່ວ່າງເວັ້ນແຕ່ລະວັນ… ນີ້ເປັນບົດຮຽນອັນເຈັບແສບ ຂອງ ມະຫາວິທະຍາໄລ.

ສະນັ້ນ, ຈົ່ງເພີ່ມຄວາມເອົາໃຈໃສ່ສຶກສາອົບຮົມແນວຄິດ ໃຫ້ຕິດພັນກັບການຖ່າຍທອດສະຕິປັນຍາ ວີທະຍາສາດ ແລະ ເຕັກໂນໂລຊີ ສ້າງທັກສະຊີວິດໃຫ້ໄດ້ທັງ Hard Skills & Soft Skills.” ຂ່າວກ່ອນໜ້ານີ້ ໃນວັນທີ່ 17 ພຶດສະພາ 2020 ເຈົ້າຂອງເຟສບຸກ “ນາງອຳມະລາລັກ ບູລົມມະວົງ”

ໄດ້ໂພສວ່າ “ມື້ນີ້ສິມາແຊຮ໌ປະສົບການ ນີ້ແມ່ນໂສມໜ້າຂອງບຸກຄົນຕົ້ມຕຸນແລະສໍ້ໂກງ ທ້າວ ບຸນໄທ ບ້ານເກີດຢູ່ຫລວງພະບາງ ປະຈຸບັນຍ້າຍມາຢູ່ບ້ານ ໜອງແວງ ເມືອງຫາດຊາຍຟອງ ນະຄອນຫຼວງວຽງຈັນ ທີ່ມີຄວາມສາມາດຕົ້ມຕຸນໄດ້ຫລາຍກວ່າ 100 ລ້ານກີບຜູ້ເສຍຫາຍ 30 ກວ່າຄົນນັບຖືໃນຄວາມສາມາດຂອງທ້າວຄົນນິຫລາຍເກັ່ງ,

ນີ້ຄືບາງສ່ວນທີ່ຖືກຕົ້ມຕຸນຍັງອີກຫລາຍຄົນຢູ່ທີ່ຍັງຖືກຜູ້ຊາຍຄົນນີ້ມາຫລອກຕົວະຂາຍຄອມໃນລາຄາທີ່ຖືກແຕ່ຄັນສິວ່າພວກເຮົາໂງ່ກະວ່າໄດ້ຕວົະໃຫ້ເຮົາໂອນເງີນມັດຈຳໄປກ່ອນສິນຄ້າມາຕາມຫລັງ ຍ້ອນຄວາມຢາກໄດ້ໃຈມັກແຕ່ມັນກະເສຍຄວາມຮູ້ສຶກແຖມຍັງບໍ່ໄດ້ເງີນຄືນຕົວະໃຫ້ໂອນເງີນໄປກ່ອນແລ້ວບໍ່ເອົາເຄື່ອງມາສົ່ງໃຫ້ລູກຄ້າທີ່ແທ້ແມ່ນຜູ້ກ່ຽວຕິດເກມຕິດເຊີ້ ເງີນທີ່ໂອນມັດຈຳເຄື່ອງໄປກະເອົາໄປໂອນຫລິ້ນເຊີ້ຕໍ່”