ພິທີສະເຫລີມສະຫລອງຮູບປັ້ນສົມເດັດພຣະເຈົ້າໄຊຍະເສດຖາທິຣາຊມະຫາຣາຊ

ວັນທີ 21-25 ກໍລະກົດ 2020: ເວລາ 08:00 ໂມງ ເປັນຕົ້ນໄປ ຮັບໂທະນາທານ, ເວລາ 17:00 ໂມງ ພິທີສູດປະຣິຕຕະມຸງຄຸລ ແລະຟັງທັມມະເທສະໜາ, ໄຫວພຣະສູດມົນແລະຟັງທັມມະເທສະໜາ.

ວັນທີ 26 ກໍລະກົດ 2020 ເວລາ 07:00 ໂມງ ພິທີໃສ່ບາດຢາດນ້ຳພຣະສົງ 39 ອົງ. ໃນຕອນເຊົ້າວັນທີ 21 ກໍລະກົດ 2020 ທີລານເດິ່ນພຣະທາດຫລວງນະຄອນຫລວງວຽງຈັນ ໄດ້ມີພິທີຕ້ອນຮັບຂະບວນແຫ່ຮູບປັ້ນພຣະພຸດທະຮູບ ຮູບປັ້ນພຣະເຈົ້າໄຊຍະເສດຖາທິຣາຊ ຮູບປັ້ນຊ້າງ ຈາກໂຮງຫລໍ່ໂພນຕ້ອງມາທີລານເດິ່ນພຣະທາດຫລວງ ໂດຍມີພະນະທ່ານ ຈູມມະລີ ໄຊຍະສອນ ອະດິດເລຂາທິການໃຫຍ່ ອະດິດປະທານປະເທດແຫ່ງ ສ.ປ.ປ.ລາວ ພ້ອມດ້ວຍພັນລະຍາ ແລະປະຊາຊົນເຂົ້າຮ່ວມ

ຮູບຫຼໍ່ສົມເດັດພຣະເຈົ້າໄຊຍະເສດຖາທິຣາຊ ມະຫາຣາຊ ຊົງປະທັບຊ້າງປະທານພອນ ຖືກຫລໍ່ດ້ວຍທອງເຫລືອງ ເນື້ອບໍລິສຸດ ນ້ຳຫນັກລວມ 18 ໂຕນ ມູນຄ່າການກໍ່ສ້າງທັງຫມົດ 38 ຕື້ກີບ ແຫລ່ທຶນໃນການກໍ່ສ້າງແມ່ນມາຈາກ ການປະກອບສ່ວນສົມທົບທືນຂອງປະຊາຊົນເຊື້ອຊາດລາວ ທັງພາຍໃນແລະຕ່າງປະເທດແລະການອຸປະຖຳຫລັກແມ່ນໂຄງການບໍ່ຄຳວັງຕັດ

ເມືອງຊານໄຊ ແຂວງອັດຕະປື ເຈົ້າຂອງໂຄງການແມ່ນອົງການປົກຄອງທ້ອງຖິ່ນແຂວງອັດຕະປື ເຊິ່ງມີພະນະທ່ານຈູມມະລີ ໄຊຍະສອນ ອະດິດເລຂາທິການໃຫຍ່ ອະດິດປະທານປະເທດ ພ້ອມດ້ວຍພັນລະຍາ ເປັນປະທານທີປືກສາກິດຕິມະສັກ ເປັນຜູ້ຊີ້ນຳ-ນຳພາໃນການກໍ່ສ້າງ ບໍລິສັດວັງຕັດຂຸດຄົ້ນບໍ່ແຮ່ຈຳກັນ ເປັນຜູ້ຮັບຜິດຊອບວຽກງານອອກແບບ ເທທອງຫໍຼ່ ແລະການກໍ່ສ້າງ

ກຳນົດການຕ່າງໆ ເມື່ອວັນທີ 29 ມິຖຸນາ 2018 ເປັນມື້ວາງສິລາຈາຣຶກ, ວັນທີ 06 ກຸມພາ 2020 ເປັນມື້ເທທອງຫຼໍ່ສຽນ ທີ່ພຣະທາດພຣະໄຊ ເມືອງໄຊເສດຖາ ແຂວງອັດຕະປື., ວັນທີ 27 ກໍລະກົດ 2020 ຈະເຄື່ອນຂະບວນແຫ່ ຈາກນະຄອນຫລວງວຽງຈັນໄປສູ່ແຂວງອັດຕະປື ໃນເວລາ 5 ມື້ 5 ຄືນ (ແວະພັກຕາມແຂວງຕ່າງໆທີຜ່ານ 1 ຄືນ) ຄື :

ວັນທີ 27/07/2020 ສະຫລອງທີແຂວງບໍລິຄຳໄຊ, ວັນທີ 28/07/2020 ສະຫລອງທີແຂວງຄຳມ່ວນ, ວັນທີ 29/07/2020 ສະຫລອງທີແຂວງສະຫວັນນະເຂດ, ວັນທີ 30/07/2020 ສະຫລອງທີແຂວງຈຳປາສັກ, ວັນທີ 31/07/2020 ສະຫລອງທີແຂວງອັດຕະປືແລະຈະຍັງຂຶ້ນປະດິດສະຖານທີແທ່ນ ພ້ອມບຳເພັນກຸສົນຖວາຍທານ ໃນວັນທີ 01 ສິງຫາ 2020 ແລະ ຄາດການວ່າ ວັນທີ 28 ພະຈິກ 2020 ຈະເປັນມື້ສົມໂພດ.