ປະທານປະເທດ ຕ້ອນຮັບການເຂົ້າຢ້ຽມຂ່ຳນັບຂອງ ປະທານສະພາຜູ້ແທນລາດສະດອນ ແຫ່ງ ສ ເຊັກ.

ໃນຕອນເຊົ້າ ວັນທີ 20 ກຸມ ພາ ນີ້, ຢູ່ທີ່ຫ້ອງຮັບແຂກທໍານຽບ ປະທານປະເທດ ນະຄອນຫຼວງ ວຽງຈັນ, ທ່ານ ບຸນຍັງ ວໍລະຈິດ ປະທານປະເທດ ແຫ່ງ ສປປ ລາວ ໄດ້ໃຫ້ກຽດຕ້ອນຮັບການເຂົ້າ ຢ້ຽມຂໍ່ານັບຂອງ ທ່ານ ຣາເດັກ ວອນດຣາເຊັກ ປະທານສະພາຜູ້ ແທນລາດຊະດອນແຫ່ງສາທາ ລະນະລັດເຊັກ ພ້ອມດ້ວຍຄະນະໃນ ໂອກາດທີ່ເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວໃນ ລະຫວ່າງວັນທີ 19 -22 ກຸມພາ ນີ້. ໂອກາດນີ້ ທ່ານ ບຸນຍັງ ວໍລະຈິດ ໄດ້ກ່າວສະແດງຄວາມຊົມເຊີຍ ແລະ ຍິນດີຕ້ອນຮັບຢ່າງອົບອຸ່ນ ພ້ອມທັງຕີລາຄາສູງຕໍ່ ທ່ານ ຣາ ເດັກ ວອນດຣາເຊັກ ທີ່ໄດ້ນໍາພາ ຄະນະເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ໃນ ຄັ້ງນີ້ ເຊິ່ງເປັນການປະກອບສ່ວນ ອັນສຳຄັນເຂົ້າໃນການຮັດແໜ້ນ ຄວາມສາມັກຄີ

ແລະ ເສີມຂະ ຫຍາຍສາຍພົວພັນຮ່ວມມືລະ ຫວ່າງສອງ ຊາດ ລາວ-ສ ເຊັກ, ໂດຍສະເພາະແມ່ນການແລກ ປ່ຽນບົດຮຽນ ແລະ ຊ່ວຍເຫຼືອເຊິ່ງ ກັນ ແລະ ກັນທາງດ້ານການສຶກ ສາ ແລະ ວຽກງານດ້ານຕ່າງໆ ໃຫ້ແຕກດອກອອກຜົນຍິ່ງໆຂຶ້ນ. ສະຫາຍ ຣາເດັກ ວອນດຣາ ເຊັກ ໄດ້ຕາງໜ້າໃຫ້ຄະນະກ່າວ ສະແດງຄວາມຂອບໃຈຕໍ່ ທ່ານ ບຸນຍັງ ວໍລະຈິດ ທີ່ໄດ້ໃຫ້ການຕ້ອນ ຮັບຢ່າງອົບອຸ່ນໃນຄັ້ງນີ້, ພ້ອມ ທັງໄດ້ແຈ້ງຈຸດປະສົງ ແລະ ແຜນ ການເຄື່ອນໄຫວຢ້ຽມຢາມ ແລະ ເຮັດວຽກຢູ່ ສປປ ລາວ ໃນຄັ້ງນີ້ ໃຫ້ປະທານປະເທດຮັບຊາບ. ຂ່າວແຈ້ງຕື່ມວ່າ: ໃນຕອນ ບ່າຍຂອງວັນດຽວກັນນີ້, ທ່ານ ຣາ ເດັກ ວອນດຣາເຊັກ ປະທານສະ ພາຜູ້ແທນລາດສະດອກແຫ່ງ ສ.ເຊັກ ພ້ອມຄະນະກໍໄດ້ເຂົ້າຢ້ຽມ ຂໍ່ານັບ ທ່ານ ທອງລຸນ ສີສຸລິດ ນາຍົກລັດຖະມົນຕີແຫ່ງ ສປປ ລາວ ເຊັ່ນດຽວກັນ.

ໂດຍ: ບຸນຊ້ອຍ