ລະວັງນ້ຳຖ້ວມຂັງເຂດບ້ານດອນນົກຂຸ້ມເມືອງສີສັດຕະນາກ

ຝົນຕົກໜັກຕິດຕໍ່ກັນຫຼາຍຊົ່ວໂມງ ໃນຄືນຂອງວັນທີ 23-24 ເຮັດໃຫ້ຕອນເຊົ້າຂອງວັນທີ 24 ສິງຫາ 2020 ເກີດນໍ້າອັ່ງຢູ່ແຄມທາງ ທັງ 2 ເບື້ອງເສັ້ນທາງໄປດອນນົກຂຸ້ມ ເມືອງສີສັດຕະນາກ ນະຄອນຫຼວງວຽງຈັນ ຖືກນໍ້າຍຶ່ງຂຶ້ນຖ້ວມທາງເບຕົງ ເຮັດໃຫ້ລົດຕໍ່າສັນຈອນໄປມາລຳບາກ ເພາະປະລິມານນໍ້າຂຶ້ນສູງຫຼາຍຊັງຕີແມັດ. ຊ່ວງນີ້ຝົນຕົກຕິດຕໍ່ກັນຫຼາຍມື້ ຫຼາຍເຂດກໍ່ອາດຈະເກີດມີນໍ້າຖ້ວມ, ນໍ້າອັ່ງ ແລະ ດິນເຈື່ອນ ດັ່ງນັ້ນ ຂໍໃຫ້ພໍ່ແມ່ປະຊາຊົນຜູ້ໃຊ້ລົດໃຊ້ຖະໜົນທັງຫຼາຍ ຈົ່ງມີສະຕິລັດມັດລະວັງໃນການເດີນທາງດ້ວຍ.