ລູກໄພ້ຍືດເຮືອນເປັນຂອງຕົນເອງຂົ່ມເຫງພໍ່ແມ່ຜົວ

ໜ້າຫຼັກຂ່າວປະຈຳວັນ ຂ່າວທົ່ວໄປ ເມື່ອສອງເຖົ້າສຸດໂຊກຮ້າຍ ທ້າຍເດືອນ ພະຈິກ 2020 ທີ່ປະເທດໄທ ໄດ້ມີການເຜີຍແຜ່ເລື່ອງລາວແສນເສົ້າ ເມື່ອພໍ່ແມ່ໄດ້ມອບເຮືອນໃຫ້ລູກຊາຍຫຼັງແຕ່ງງານ ເມື່ອລູກຊາຍເສຍຊີວິດ ຖືກລູກໄພ້ຢືດເຮືອນເປັນຂອງຕົນເອງທັນທີໂດຍມີເລື່ອງເລົ່າສຸດສະເທືອນໃຈມາເຜີຍແຜ່ ຂອງຄູ່ຜົວ ເມຍເຖົ້າມີລູກຊາຍຄົນດຽວຕ້ອງມາທົນທຸກຫຼັງລູກຊາຍເສຍຊີວິດ ເຮືອນທີ່ເຄີຍຢູ່ຕົກເປັນຂອງລູກໄພ້

ຈາກເຈົ້າຂອງເຮືອນຕ້ອງກັບກາຍເປັນສ່ວນເກີນທັນທີ.ຍິ່ງຕໍ່ມາຜູ້ເປັນລູກໄພ້ມີຜົວໃໝ່ ບໍ່ວ່າຈະເຮັດຫຍັງກໍ່ຂັດຫູຂັດຕາໄປໝົດ ຖືກຈົ່ມດ່າເລື່ອງຄ່າເຂົ້າຄ່ານໍ້າຄ່າໄຟ ຈົນອຶດອັດ ຢາກຫາທາງອອກໃນບັ້ນປາຍຊີວິດ ອີກໃຈໜຶ່ງກໍ່ຫ່ວງຄູ່ຊີວິດ ຫາກ ໃຜຄົນໜຶ່ງເປັນຫຍັງໄປອີກຄົນຈະຊີວິດຢູ່ແບບໃດ ຕ້ອງຖືກປ່ອຍປະລະເລີຍແນ່ນອນ. ໂດຍເລື່ອງລາວນີ້ ຖືກນໍາມາເຜີຍແຜ່ບອກເລົ່າຜ່ານຄວາມຄິດເຫັນໜຶ່ງເທິງເຟສບຸກ

ພໍ່ເຖົ້າໄວກະສຽນເຂົ້າມາເລົ່າຊີວິດຂອງຕົນ ຫຼັງຍົກເຮືອນໃຫ້ກັບລູກຊາຍທີ່ສ້າງຄອບຄົວແລ້ວ ແຕ່ວ່າບໍ່ດົນລູກຊາຍມາເສຍຊີວິດໄປ ເຮືອນຈຶ່ງຕົກເປັນຂອງລູກໄພ້ ພໍ່ແມ່ຜູ້ເປັນ ຜົວກາຍເປັນຜູ້ຢູ່ອາໄສ ຊໍ້າຮ້າຍຖືກຈົ່ມບໍ່ເວັ້ນໃນແຕ່ລະມື້ຈົນອຸກອັ່ງ. ແນວໃດກໍ່ຕາມ ເລື່ອງທີ່ນໍາມາເຜີຍແຜ່ນີ້ ພຽງຢາກນໍາມາເປັນອຸທາຫອນ

ໃຫ້ກັບບັນດາພໍ່ແມ່ຜູ້ຄິດຈະໂອນຊັບສິນໃດໃຫ້ລູກຫຼັງແຕ່ງງານຕ້ອງສຶກສາ ແລະ ຄິດໃຫ້ຖີ່ຖ້ວນ, ທັງນີ້ກໍ່ຝາກເປັນຂໍ້ຄິດເຕືອນໃຈເຖິງລູກຊາຍລູກສາວ, ລູກເຂີຍລູກໄພ້ ຜູ້ຈະລ້ຽງດູພໍ່ແມ່ປູ່ຍ່າໃນຍາມເຖົ້າ ໃຫ້ຖືເອົາເລື່ອງນີ້ເປັນສິ່ງເຕືອນໃຈ ຢ່າລືມຄິດເຫັນຄວາມຮູ້ສຶກຂອງພວກເພິ່ນ