ເຝົ້າລະວັງໄວຣັດໂຄໂລນາທີ່ສະໜາມບີນສາກົນວັດໄຕ

ຜູ້ຕິດເຊື້ອໄວຣັດມໍລະນະ ໂຄໂຣນາ ໃນຈີນ ລົ້ມຕາຍ ຕາມຖະໜົນຫົນທາງ.. ຜູ້ຕິດເຊື້ອຈະມີອາການປອດອັກເສບ ຮຸນແຮງກະທັນຫັນ ຫາຍໃຈຫອບຫືດ ຫາຍໃຈບໍ່ຕິດ ເປັນລົມໝົດສະຕິ ແລະເສຍຊີວິດ.. ການແຜ່ເຊື້ອ ແມ່ນມີລັກສະນະດຽວກັບການແຜ່ຂອງເຊື້ອໄຂ້ຫວັດ ຜ່ານທາງນ້ຳລາຍ ໄອ ຈາມ ກອດຈູບລູບເລຍ ຈອກນ້ຳ ບ່ວງສ້ອມ ໄມ້ທູ່ ຢ່ວງປະຕູ ເຂົາລົດຈັກ-ລົດຖີບອື່ນໆ ລ້ວນສ່ຽງເປັນພາຫະນະຕິດຕໍ່..

ລາຍງານກ່ຽວກັບ ເຊື້ອໄວຣັສໂຄໂຣນາ – 🇨🇳 ລັດຖະບານຈີນ ປິດເມືອງສັ່ງຫ້າມຄົນອອກນອກເມືອງ – 🇸🇬 ສິງຄະໂປສົ່ງຄົນຈີນກັບປະເທດ – 🇹🇼 ໃຕ້ຫວັນສົ່ງຄົຈີນກັບໝົດ ຄົນດຽວກໍບໍ່ໃຫ້ເຫຼືອ – 🇹🇭 ໄທຄຸມເຂັ້ມສະໜາມບິນຕິດເຄື່ອງສະແກນກວດຄົນຕິດເຊື້ອໄວຣັສໂຄໂຣນາ – 🇱🇦 ລາວ ທີມແພດໝໍກຳລັງກຽມຮັບມືກັບໄວຣັດໂຄໂລນາທີ່ສະໜາມບີນຢ່າງເຂັ້ມງວດ,

ຕາມການລາຍງານ ລາວເຮົາຕາມສະໜາມບິນລາວແມ່ນໄດ້ມີການປ້ອງກັນໃນລະດັບໜຶ່ງແລ້ວ ໂດຍມີແຈ້ງການ ໃຫ້ຕິດຕັ້ງອຸປະກອນກວດກາ ແລະ ປ້ອງກັນເຊື້ອພະຍາດສາຍພັນໃໝ່ທີ່ມີຕົ້ນກຳເນີດມາຈາກຈີນ .. ຂໍໃຫ້ຄົນລາວປອດໄພຈາກເຊື້ອພະຍາດ ຕິດຕາມລະວັງນຳກັນ ຂໍຂອບໃຈ, ຈາກເພກ ສູນຂ່າວສານການແພດສຸຂະສຶກສາ ໄດ້ໂພສເຖີງນັກສືກສາລາວຢູ່ຈີນວ່າ:

“ແຈ້ງການເຖິງນັກສຶກສາລາວຫລືທຸກທ່ານທີ່ເດີນທາງມາແຕ່ວູຫານໃຫ້ມີສະຕິລະມັດລະວັງບໍ່ໃຫ້ອອກໄປເຂດມວນຊົນ ພາຍໃນ 14ວັນຫລັງຈາກເດີນທາງມາແຕ່ເຂດດັ່ງກ່າວທີ່ສ່ຽງຕໍ່ການແພ່ເຊື້ອ ຖ້າມີອາການໄຂ້ ໄອ ຫລື ຫາຍໃຈຍາກແມ່ນໃຫ້ໄປພົບແພດດ່ວນ ຫລື ໂທຕິດຕໍ່ເບີ 020 54066777”, ປະຈຸບັນມີຄົນເສຍຊີວິດຍ້ອນ ພະຍາດໂຄໂລນາໄວຣັດແລ້ວ 41 ຄົນ ແລະ ມີຜູ້ຕິດເຊື້ອແລ້ວທັງໝົດ 1,287 ຄົນ ຢູ່ ສປຈີນ.

ປະເທດທີ່ພົບວ່າມີການຕິດເຊື້ອ ແມ່ນ ຫວຽດນາມ, ສິງກະໂປ, ໄທ, ໄຕ້ຫວັນ, ສາທາລະນະລັດເກົາຫຼີ, ເນປານ ແລະ ຝຣັງເສດ… ປະທານາທິບໍດີ ສີ ຈີ້ນຜິງ ອອກກົດເຫລັກ ຕ້ານໄວຣັສໂຄໂຣນ່າ ຈາກການລາຍງານລ່າສຸດວ່າ ປະທານນາທິບໍດີ ສີຈີ້ນຜິງ ແຫ່ງ ສປ.ຈີນ 🇨🇳 ໄດ້ອອກຄຳສັ່ງພິເສດໃຫ້ເຈົ້າຫນ້າທີ່ ທະຫານ ແລະ ຕຳຫລວດ ບັງຄັບໃຊ້ກົດຫມາຍສູງສຸດໃນສະບັບຄຳສັ່ງພິເສດຕໍ່ຜູ້ກະທຳການຜ່າຝືນກົດຫມາຍແຫ່ງ ສປ.ຈີນ ແລະກົດລະບຽບວ່າດ້ວຍການປ້ອງກັນໄວຣັສໂຄໂຣນ່າ,

ຫລັງພົບວ່າມີມິດສາຊີບສວຍໂອກາດ ອອກລາດຕະເວນລັກຂະໂມຍ ເຂົ້າຂອງ ລວມທັງຊັບສິນຕ່າງໆ ຂອງປະຊາຊົນ ອີກທັງຍັງພົບວ່າ ມີຜູ້ປ່ວຍສະຕິແຕກຈຳນວນຫນຶ່ງ ຍາດດຶງຫນ້າກາກປ້ອງກັນ ໄວຣັສໂຄໂຣນ່າ ຈາກແພດ ແລ້ວຖົ່ມນ້ຳລາຍໃສ່ຫນ້າພ້ອມ ລະບຸວ່າ “ພວກເຈົ້າ (ຫມໍ) ຕ້ອງຮັກສາໃຫ້ຂ້ອຍຈົນເຊົາດຽວນີ້ ຫາກພວກເຈົ້າຊັກຊ້າບໍ່ຮີບຮັກສາ ພວກເຈົ້າກໍ່ຕ້ອງຕາຍ ໄປພ້ອມໆກັນກັບຂ້ອຍ” (ການໃຊ້ກົດຫມາຍສູງສຸດສະບັບຄຳສັ່ງພິເສດ ຄື ການຮັບໂທດຈຳຄຸກຕະຫລອດຊີວິດ ຫລື ຖູກວິສາມັນຄາດຕະກຳ(ຍິງຖິ້ມໄປເລີຍ)ໂດຍເຈົ້າຫນ້າທີ່ ທະຫານ

ແລະ ຕຳຫລວດ ຈົບບ່ອນນັ້ນໃນທີ່ເກີດເຫດ ໂດຍບໍ່ຕ້ອງຂື້ນສານ) ເບື້ອງຕົ້ນ ຍັງມີລາຍງານອີກວ່າ ປະທານາທິບໍດີ ສີຈີ້ນຜິງ ສັ່ງຍົກເລີກງານສະເຫລີມສະຫລອງເທດສະການຕຣຸດຈີນ ໃນນະຄອນປັກກິ່ງ ທຸກໆ ມົນທົນທົ່ວປະເທດ ພ້ອມກັບຢ້ຳວ່າ “ໃນເວລານີ້ ບໍ່ແມ່ນເວລາທີ່ເຮົາຕ້ອງມາສະເຫລີມສະຫລອງກັນ ເຮົາຊາວຈີນຕ້ອງສົ່ງກຳລັງໃຈໃຫ້ທີມແພດ ແລະເຈົ້າຫນ້າທີ່ ຫນ່ວຍງານທີ່ກ່ຽວຂ້ອງ ຮ່ວມເຖີງຊາວອູ່ຮັ່ນ ແລະ ຊາວເມືອງອື່ນໆ ທຸກຄົນເຮົາຕ້ອງຮຽນຮູ້ວິທີປ້ອງກັນ ແລະ ຕໍ່ສູ້ກັບມັນ (ເຊື້ອໄວຣັສມໍລະນະໂຄໂຣນ່າ) ຈີນຢູ່ໄດ້ຈົນຮອດທຸກວັນນີ້ ເພາະເຮົາເປັນອັນຫນຶ່ງອັນດຽວແລະໃຈດຽວກັນ,

ດັ່ງນັ້ນເຮົາຂໍໃຫ້ທຸກຄົນ (ຊາວຈີນ) ຈົງເຄົາລົບ ແລະ ປະຕິບັດຕາມກົດຫມາຍ ແລະ ກົດລະບຽບປ້ອງກັນໂລກຢ່າງເຄັ່ງຄັດ, ທັງນີ້ທັງນັ້ນ ປະທານາທິບໍດີ ສີ ຈີ້ນຜິງ ໄດ້ອອກຄຳສັ່ງປິດນະຄອນເອໂຈວ ເພີ່ມອີກເປັນ 1 ເມືອງ ພ້ອມສັ່ງບ໋ອກຖະຫນົນທຸກເສັ້ນສາຍ ຫ້າມຄົນໃນຫ້າມອອກ ຄົນນອກຫ້າມເຂົ້າ(ຍົກເວັ້ນເຈົ້າຫນ້າທີ່ຫນ່ວຍງານທີ່ກ່ຽວຂ້ອງ) ໃຫ້ເຈົ້າຫນ້າທີ່ພາກລັດປະຊາສຳພັນວິທີການປ້ອງກັນໂລກລະບາດ ແລະ ອະທິບາຍທຳຄວາມເຂົ້າໃຈໃຫ້ກັບປະຊາຊົນ ເປັນໄລຍະ ໄລຍະ

ພ້ອມກັບຈັດຕັ້ງ ວໍລູມ ຄັດກອງກວດຫາໂລກລະບາດ ແລະອຳນວຍຄວາມສະດວກກັບນັກທ່ອງທ່ຽວຕ່າງຊາດທີ່ຕິດຄ້າງຢູ່ໃນເມືອງຕ່າງໆ (ທີ່ຖືກປະກາດສັ່ງປິດ) ເພື່ອເປັນການສະກັດກັ້ນການແຜ່ລະບາດຂອງເຊື້ອໄວຣັສໂຄໂຣນ່າ ອີກທັງ ປະທານາທິບໍດີ ສີຈີ້ນຜິງ ໄດ້ອອກຄຳສັ່ງເປັນກົດຫມາຍສະບັບພິເສດຢ່າງເລ່ງດ່ວນ, ເລື່ອງຫ້າມຊາວຈີນເດີນທາງໄປທົ່ວໂລກ ພ້ອມກັບສັ່ງຫ້າມບໍລິສັດທົວນຳທ່ຽວທົ່ວປະເທດ ຢຸດດຳເນີນກິດຈະກຳທ່ອງທ່ຽວ ຢຸດຂາຍປີ້ເຮືອບີນ ແລະ ໂຮງແຮມ ແລະໃຫ້ທຸກໆຄົນເຄົາລົບກົດຫມາຍພິເສດ

ແລະກົດລະບຽບວ່າດ້ວຍການປ້ອງກັນ ໄວຣັສໂຄໂຣນ່າ ຫາກໃຜຝ່າຝືນ ຈະຖືກດຳເນີນຄະດີຕາມ ກົດຫມາຍ ເປັນບໍລິສັດທົວນຳທ່ຽວຈະຖືກຖອດຖອນໃບປະກອບອະນຸຍາດ ພ້ອມກັບຖືກດຳເນີນຄະດີຕາມກົດຫມາຍ, ເພື່ອເປັນການສະກັດກັ້ນການແຜ່ລະບາດຂອງເຊື້ອໄວຣັສໂຄໂຣນ່າ ຂໍ້ມູນລາຍງານທີ່ໄດ້ຈາກ ໄລ່ຕາມກະແສຂ່າວ ລາວ – ໄທ, ສຳນັກຂ່າວຕ່າງປະເທດລາຍງານເມື່ອວັນທີ 25 ມັງກອນ 2020 ວ່າ ພະຍາດໂຄໂຣນາ ໄວຣັດໄດ້ເກີດຂຶ້ນທີ່ ເມືອງ ອູຮານ ແຂວງຮູເປີຍ ສປຈີນ ໃນລະຫວ່າງ ສອງອາທິດທີ່ຜ່ານມາ,

ມີຄົນເສຍຊີວິດຍ້ອນ ພະຍາດດັ່ງກ່າວແລ້ວ 41 ຄົນ ແລະ ຢູ່ ສປຈີນມີຜູ້ຕິດເຊື້ອແລ້ວທັງໝົດ 1,287 ຄົນ. ປະຈຸບັນໃນທົ່ວໂລກມີຄົນທີ່ຕິດເຊື້ອພະຍາດດັ່ງກ່າວ ຢູ່ ຫວຽດນາມ, ສິງກະໂປ, ໄທ, ໄຕ້ຫວັນ, ສາທາລະນະລັດເກົາຫຼີ, ເນປານ ແລະ ຝຣັງເສດ. ສວ່ນ ປະເທດອັງກິດ ກັບ ການາດາ ແລະ ສະຫະລັດອາເມລິກາ ນັ້ນຍັງເປັນກໍລະນີທີ່ສົງໄສຢູ່. ດ້ານໜັງສືພິມວຽງຈັນທາຍລາຍງານ ເມື່ອວັນທີ 25 ມັງກອນ 2020 ວ່າ ລັດຖະບານ ກໍ່ຄື ກະຊວງສາທາລະນະສຸກ ແຫ່ງ ສປປ ລາວ ໄດ້ ກຽມພ້ອມຮັບມືໃນການແຜ່ລະບາດຂອງພະຍາດ ໂຄໂລນາໄວຣັດ

ທີ່ພວມລະບາດໃນ ບັນດາປະເທດເພື່ອນບ້ານ ໂດຍການກະ ກຽມແຜນຮອງຮັບທາງດ້ານສາທາລະນະສຸກ ຄ່ຽງຄູ່ກັບການໃຫ້ຂໍ້ມູນຄວາມເຂົ້າໃຈ ແລະ ວິທີປ້ອງກັນໂຕເອງຈາກພະຍາດດັ່ງກ່າວ. ທ່ານ ດຣ ຣັດຕະນະໄຊ ເພັດສຸວັນ ຫົວໜ້າ ກົມຄວບຄຸມພະຍາດຕິດຕໍ່ ກະຊວງສາທາ ລະນະສຸກ ໄດ້ຖະແຫຼງຂ່າວໃນມື້ວານນີ້ວ່າ ກະຊວງສາທາລະນະສຸກໄດ້ມີການກະກຽມຫ້ອງພິເສດ ຢູ່ບັນດາໂຮງໝໍຕ່າງ ພ້ອມອຸປະກອນເພື່ອປ້ອງກັນການຕິດເຊື້ອ ແລະ ລົດສຸກເສີນ, ລວມໄປເຖິງການຝຶກອົບຮົມ ໃຫ້ກັບພະນັກງານແພດໝໍ ແລະ ພະຍາບານ ດ້ານການປິ່ນປົວ,

ການປ້ອງກັນ ແລະ ຄວບ ຄຸມການຕິດເຊື້ອ. ທ່ານ ຍັງແຈ້ງຕື່ມອີກວ່າ ນັກວິຊາການ ລາວໄດ້ສົບທົບກັບ ນັກວິຊາການຂອງອົງ ການອະນາໄມໂລກ ເພື່ອຄົ້ນຄວ້າການຕີ ລາຄາຄວາມສ່ຽງໃນການແຜ່ລະບາດ ແລະ ກໍ່ເຫັນວ່າ ລາວມີຄວາມສ່ຽງ ທີ່ຈະມີລາຍ ງານຂອງພະຍາດໂຄໂລນາໄວຣັດນີ້. ແຕ່ເຖິງຢ່າງໃດກໍ່ຕາມ ລັດຖະ ບານ ກໍ່ໄດ້ມີການເຝົ້າລະວັງແຕ່ຫົວທີ ໂດຍ ມີການກັ່ນກອງຜູ້ເຂົ້າມາຢູ່ບັນດາດ່ານສາກົນ ຂອງແຕ່ລະແຂວງໃນທົ່ວປະເທດ.ນອກນັ້ນຍັງໃຫ້ຄວາມ ຮູ້, ສຶກສາອົບຮົມ ແລະ ວິທີປ້ອງກ່ຽວກັບ ພະຍາດດັ່ງກ່າວໃຫ້ແກ່ປະຊາຊົນ.

ວິທີປ້ອງກັນ: -ຫຼີກເວັ້ນການເດີນທາງໄປໃນເຂດ ທີ່ມີການລະບາດ ແລະ ເຂດຊຸມ ຊົນທີ່ແອອັດຖ້າບໍ່ຈຳໄປ. -ຫຼີກເວັ້ນການສຳພັດໃກ້ຊິດກັບຄົນ ທີ່ມີອາການຄືເປັນໄຂ້ຫວັດ ໄອ, ໄຂ້, ເຈັບຄໍ ແລະ ຫາຍໃຈຍາກ. -ຫຼີກເວັ້ນການສຳພັດກັບສັດເປັນ ຫຼື ສັດຕາຍ. -ຫຼີກເວັ້ນການກິນອາຫານທີ່ເປັນສັດປ່າ. -ມີມາລະຍາດໃນການຈາມເວລາຈາມ ໃຫ້ປິດປາກ ແລະ ລ້າງມືຂອງຕົນໃຫ້ ສະອາດ ໃສ່ສະບູ ຢາຂ້າເຊື້ອ ຫຼື ເຫຼົ້າ 90. -ຖ້າທ່ານໃດມີອາການໄຂ້ຄືດັ່ງທີ່ເວົ້າ ມາໃນຂໍ້ 2 ນັ້ນ ໃຫ້ໄປພົບແພດໝໍ ທີ່ຢູ່ໃກ້ບ້ານ ພ້ອມທັງແຈ້ງປະຫວັດການ ເດີນທາງພາຍໃນ 14 ວັນທີ່ຜ່ານມາ.

ເບີໂທສອບຖາມຂໍ້ມູນ ຫຼື ແຈ້ງ: ທ່ານ ສາມາດສອບຖາມຂໍ້ມູນເພີ່ມເຕີມ ຫຼື ຖ້າຫາກພົບເຫັນຄົນເຈັບທີ່ສົງໄສອາດ ເປັນພະຍາດດັ່ງກ່າວ ແມ່ນໃຫ້ໂທແຈ້ງເບີ: +85620 5406 6777 ຫຼື ເບີສຸກເສີນ 166. ທາງກົມຄວບຄຸມພະຍາດຕິດຕໍ່ ກະຊວງສາ ທາລະນະສຸກຍັງໄດ້ອະທິບາຍກ່ຽວກັບ ພະ ຍາດໂຄໂລນາໄວຣັດໄດ້ຖືກຄົ້ນພົບໃນ 80 ປີ ກ່ອນໂດຍນັກຄົ້ນຄວ້າ, ເຊື້ອໄວຣັດດັ່ງກ່າວ ສາມາດເຮັດໃຫ້ຄົນມີອາການອັກເສບລະບົບຫາຍໃຈ ແຕ່ກັບສັດຄື ໝູ,

ໝາ ແມ່ນຈະມີອາ ການລຳໄສ້ອັກເສບ, ໄກ່ ແມ່ນຫຼອດລົມ ອັກເສບ ແລະ ໜູ ແມ່ນຕັບອັກເສບ. ລາຍງານຫຼ້າສຸດທີ່ ນະຄອນຫຼວງວຽງຈັນ ວັນທີ 26/1/2020 ກ່ຽວກັບການຮັບມືກັບໄວຣັດໂຄໂລນາ ຈາກເຟສບຸກ Souliya Vilaythong ເຊີ່ງເປັນແພດໝໍຢູ່ທີ່ສະໜາມບີນວັດໄຕໄດ້ໂພສວ່າ “ທີມແພດດ່ານສະໜາມບີນສາກົນວັດໄຕ ກຽມພ້ອມແລ້ວໃນການກັ່ນຕອງ ແລະ ເຝົ້າລະວັງ ພະຍາດ ໂຄໂລນາໄວຣັດສາຍພັນໃໝ່ (Novel Corona Virus).”