ຊາຍໜຸ່ມຖືກເດັກນ້ອຍໜ້າໃສໆຫຼອກຂາຍໂທລະສັບ

ວັນທີ 25/9/2020 ທີ່ນະຄອນຫຼວງວຽງຈັນ ຈາກເຟສບຸກທີ່ມີຊື່ວ່າ “สอน พาเที่ยว” ໄດ້ໂພສວ່າ “ໄດ້ຮັບຄືນແລ້ວເງິນທີ່ໂອນຄ່າໂທລະສັບທີ່ຖືກໂກງມື້ວານນີ້ເລື້ອງນີ້ຖ້າໃຫ້ເລົ່າມັນຄົງຍາວ ແລ້ວພວກເຮົາມາລົງຄວາມເຫັນນຳກັນເບິ່ງວ່າສິເຮັດແນວໃດກັບໝໍນ້ອຍໆນີ້ທີ່ໄປເລາະຕົວະຄົນນັ້ນຄົນນີ້ໄປທົ່ວ ຖ້າຄົນບໍ່ເຖິງຈິງໆຍາກສິໄດ້ຄືນ ສິໃຫ້ຂ້ອຍນຳມັນຫຼືສິໃຫ້ຂ້ອຍປ່ອຍມັນ ໃຜແນ່ທີ່ໂດນມັນຫຼອກຄືກັນກັບຂ້ອຍຄອມເມັ້ນມາເບິ່ງ ຂອງຂ້ອຍ

ຂ້ອຍໄດ້ຄືນບອກໄວ້ເລີຍຖ້າບໍ່ໄດ້ຄືນຂ້ອຍບໍ່ປ່ອຍເດັດຂາດ ສະຕິເຮົາຕ້ອງມີຄັ້ງຕໍ່ໄປນະ ເວລາຊື້ເຄື່ອງຜ່ານທາງອອນລາຍເບິ່ງໄວ້ໃຫ້ດີໆແລະຄວນມີສະຕິໄຫວໂຕໃຫ້ທັນເຂົາບໍ່ຢາກໃຫ້ໃຜມາເປັນເຍື່ອອີກຕໍ່ໄປ ທີ່ຂ້ອຍເຊັນເຊີ່ເພາະຂ້ອຍໄດ້ເງິນຂອງຂ້ອຍຄືນ ບໍ່ຢາກໃຫ້ເລື່ອງມັນຍາວ ແລະຖືວ່າເປັນບົດຮຽນໃຫ້ກັບທຸກໆຄົນທີ່ຊື້ຂອງຜ່ານອອນລາຍ”

ຂ່າວກ່ອນໜ້ານີ້ ວັນທີ 24/9/2020 ທີ່ນະຄອນຫຼວງວຽງຈັນ ຈາກເຟສບຸກທີ່ມີຊື່ວ່າ “สอน พาเที่ยว” ໄດ້ໂພສວ່າ “ລະວັງໄວ້ໂສມຫນ້າເດັກນ້ອຍຕົ້ມຕຸນ ຕົວະຂາຍໂທລະສັບໃຫ້ ຂ້ອຍໂອນເງິນໃຫ້ມັນແລ້ວມັນບ໋ອກເຟສ ບ໋ອກເບີ ຫາຍໂຕໜີງຽບເຄື່ຶອງມາຮອດມີແຕ່ກ໋ອງເປົ໋າເສື້ອໂຕດຽວ ເງິນທີ່ໂອນໃຫ້ເປັນຈຳນວນ 5 ແສນມັນອາດບໍ່ຫຼາຍແຕ່ເສຍດາຍຄວາມຮູ້ສຶກທີ່ຂ້ອຍຊື່ສັດກັບມັນເຊື່ອໃຈມັນປົກກະຕິກະບໍ່ໄດ້ເສື້ອໃຜງ່າຍໆ ແຕ່ກະບໍ່ຄິດວ່າເດັກນ້ອຍຫົວທໍ່ໝາກກອກສິມາຕົວະກັນໄດ້ງ່າຍໆແບບນີ້ ຈັງໃດເລື່ອງນີ້ມັນກໍ່ຈະບໍ່ຈົບງ່າຍໆຂ້ອຍຈະເອົາເລື່ອງມັນໃຫ້ເຖິງທີ່ສຸດ ເພາະຂ້ອຍຈະເຮັດເປັນກໍລະນີສຶກສາບໍ່ໃຫ້ໄປຕົວະໃຜໄດ້ອີກ ສ່ວນໃຜທີ່ຮູ້ຈັກຫຼືເຄີຍເປັນເພື່ອນເຟສກັບໝໍນີ້ລົບກວນຊ່ວຍຕິດຕໍ່ຫາຂ້ອຍແນ່

ຖ້າຕາມຕົວໄດ້ ຈະມີລາງວັນໃຫ້ ເພາະຂ້ອຍຈະບໍ່ຍອມເລື່ອງນີ້ງ່າຍໆຕອນນີ້ໄດ້ແຈ້ງບໍລິສັດຕົ້ນທາງໃຫ້ເຊັກກ້ອງວົງຈອນແລ້ວແລະຊື່ໃນໝາຍເລກບັນຊີມັນກະຂື້ນ ກຽມໃຫ້ທະນາຄານເອົາຂໍ້ມູນໃຫ້ທີ່ຢູ່ ບ້ານ ເມືອງ ແຂວງ ເບີໂທ ໃຜທີ່ຮູ້ຈັກກັບມັນຊ່ວຍຕິດຕໍ່ຫາຂ້ອຍດ້ວຍມີລາງວັນໃຫ້ ຢາກຈະເຕືອນທຸກຄົນໄວ້ຊື້ເຄື່ຶອງຜ່ານທາງອອນລາຍແບບນີ້ບໍ່ເຊື່ອໃຈບໍ່ໄວ້ໃຈກັນບໍ່ຮູ້ຈັກກັນຢ່າໂອນເງິນກ່ອນເດັດຂາດ ເພາະເຫັນແບບນີ້ມັນຫຼາຍກໍລະນີແລ້ວທີ່ເກີດຂື້ນໂອນໃຫ້ແລ້ວກະງຽບຈ້ອຍ ສຸດແຕ່ຂ້ອຍລອບຄອບຍັງໂດນຈົນໄດ້ແຕ່ເລື່ອງນີ້ຂ້ອຍຈະບໍ່ຍອມແນ່ນອນ ຢາກຈະບອກຫຼາຍໆຄົນຖ້າເຄື່ອງບໍ່ມາຮອດມືເຮົາ ເຮົາຢ່າໂອນເງິນກ່ອນເດັດຂາດຖ້າເປັນຄົນທີ່ບໍ່ຮູ້ຈັກກັນນະແລ້ວໂປຟາຍຕ້ອງເປັນໂປວາຍທີ່ໄວ້ໃຈໄດ້ຈຶ່ງຊື້ຂາຍກັບຄົນຄົນນັ້ນອັນນີ້ຢາກເຕືອນເປັນອຸທະຫອນໄວ້ ຊ່ວຍໆກັນແຊຣ໌ອອກໄປ ເຕືອນສະຕິນຳກັນ ”