ມາເປັນເຂີຍເກີນ 60 ວັນບໍ່ມີຊື່ໃນສຳມະໂນຄົວເລີຍຖືກປັບໄໝ

ທີ່ແຂວງຫົວພັນ ທ້າຍເດືອນ ມັງກອນ 2021 ຈາກຜູ່ໃຊ້ເຟສບຸກຄົນໜື່ງໄດ້ໂພສວ່າ “ສະບາຍດີ ຂໍອະນຸຍາດຖາມແນ່ ຂ້ອຍຢູ່ ວຽງຈັນ ມາສ້າງຄອບຄົວຢູ່ ຊຳເໜືອ ເປັນເວລາ 2 ປີ ຫລັງຈາກຜູກແຂນເຂົ້າພາຂວັນ ແລ້ວໄດ້ພາເມຍໄປຢູ່ບ້ານໄດ້ປີປາຍ ຈຶ່ງກັບມາຢູ່ບ້ານເມຍນຳພໍ່ເຖົ້າແມ່ເຖົ້າ (ຊຳເໜືອ) ເຊິ່ງວ່າຍັງບໍ່ໝັ້ນໃຈວ່າຊິໄດ້ຢູ່ບ້ານເມຍຫລືບ້ານຂອງຕົວເອງ ໂດຍມີເດັກນ້ອຍມາເຮັດວຽກນຳ 2 ຄົນ ຫລັງຈາກນັ້ນທາງເຈົ້າໜ້າທີ່ໄດ້ມາຮ້ອງໂຕໄປຫ້ອງການ ປກສ ກຸ່ມບ້ານ ໄດ້ປັບໃຫມເປັນເງິນຄົນລະ 1 ແສນກີບ ລວມເປັນ 3 ແສນ

ຕົວຂ້ອຍຜິດຂໍ້ຫາ ມາເປັນເຂີຍເກີນ 60 ວັນແລ້ວບໍ່ມີຊື່ໃນສຳມະໂນຄົວ ເຈົ້າໜ້າທີ່ໃຫ້ກຳນົດ 30 ວັນ ຕ້ອງແລ່ນເອກະສານໃຫ້ຄົບຖ້າບໍ່ດັ່ງນັ້ນ ຈະໃສ່ກົດລະບຽບເພິ່ນໄດ້ໃຫ້ເຮັດຕາມທີ່ຂ້າພະເຈົ້າລົງຮູບໃນນີ້ ແຕ່ວ່າທາງໂຮງໝໍເພິ່ນບໍ່ອອກໃບກວດສຸຂະພາບໃຫ້ ແລະທາງບ້ານເພິ່ນກໍ່ວ່າ ໃບແຈ້ງໂທດໃຊ້ບໍ່ໄດ້ ມີແຕ່ໃບຢັ້ງຢືນທີ່ຢູ່ຈາກນາຍບ້ານກໍ່ໄດ້ ຂໍຖາມຜູ້ຮູ້ແນ່ ເດັກນ້ອຍມາເຮັດວຽກນຳເຮົາກໍ່ຕ້ອງໄດ້ແລ່ນໃບຫລາຍຂັ້ນຕອນຕາມນີ້ບໍ່ ຈັ່ງໃດກໍ່ຂໍຄວາມກະລຸນາໃຫ້ຂໍ້ມູນ ແລະຄຳແນະນຳຈາກອ້າຍນ້ອງແນ່ເດີ້ ຂໍຂອບໃຈ”