ຊາຍໜຸ່ມໃຈຫຼໍ່ຊ່ອຍເຫຼືອເງີນຄ່າຝາກລົດຂ້ອຍທີ່ສວນເຈົ້າອະນຸວົງ

ສະບາຍດີແອດມີນຂ້ອຍມີເລື່ອງດີໆມາເລົ່າໃຫ້ທຸກຄົນຟັງຂ້ອຍໄດ້ໄປພົບຊາຍໜຸ່ມທີ່ເປັນຄົນດີທີ່ສັງຄົມຕ້ອງການ!! ສະບາຍດີທຸກຄົນຊາວເຟສບຸກ ມື້ຄືນນີ້ເວລາປະມານ 18:35 ໂມງວັນທີ 25/1/2020 ທີ່ ນະຄອນຫຼວງວຽງຈັນ ຂ້ອຍເອງເຈົ້າຂອງເຟສນີ້. ໄດ້ໄປຫລີ້ນແຄມຂອງສວນເຈົ້າອະນຸວົງ, ຂ້ອຍຟ້າວແຮງແລະຮູ້ສຶກວ່າເມື່ອຍຫລາຍເພາະຫາກໍ່ກັບມາແຕ່ເຮັດວຽກຕ່າງໆແຂວງ, ພໍດີມາຝາກລົດແລ້ວກັບມາເອົາປີ້ຄິດວ່າຈະຈົກເງີນມາຈ່າຍແຕ່ບໍ່ເຫັນ ຂ້ອຍຄິດໃນໃຈວ່າ ຊວຍແລ້ວບາດນີ້ເງີນບໍ່ເຮ່ຍກໍ່ລືມຢູ່ເຮືອນ ຂ້ອຍບອກກັບຄົນເກັບປີ້ວ່າຂ້ອຍລືມກະເປົ໋າເງີນ…

ໃນຕອນນັ້ນມີຊາຍຫນຸ່ມໄວລຸ້ນຄົນຫນຶ່ງທີ່ບໍ່ຮູ້ຈັກບໍ່ຄຸ້ນຫນ້າຕາຢືນໃກ້ຂ້ອຍເວົ້າວ່າ ບໍ່ເປັນຫຍັງຈະຈ່າຍໃຫ້ຂ້ອຍ ຕອບລາວວ່າບໍ່ເປັນຫຍັງແຕ່ລາວກໍ່ຈ່າຍໃຫ້ພ້ອມດ້ວຍຮອຍຍິ້ມ 😄😄😄 ແບບເຫັັນ ອົກເຫັນໃຈແລະເຂົ້າໃຈຕອນ ຕົກຢູ່ໃນສະພາບນີ້. ແຖມລາວຍັງເອົາເງິນໃຫ້ຂ້ອຍ ອີກ 10.000₭ ແລ້ວເວົ້າວ່າເອົາໄວ້ຕິດຕົວໃສ່ນ້ຳມັນລົດກັບບ້ານ, ຂ້ອຍຕອບລາວວ່າບໍ່ເປັນຫຍັງນ້ຳມັນລົດຂ້ອຍເຕັມຖັງ. ແລ້ວລາວກໍ່ຫັນຫລັງໄປ..ຂ້ອຍດີໃຈຕອນນັ້ນຂອບໃຈລາວເກືອບບໍ່ທັນ. ຫລັງຈາກກັບມາເຮືອນຂ້ອຍມາເບິ່ງກວດຊອກຫາເບິ່ງເງິນເຫັນລືມໃວ້ຢູ່ຫນ້າໂຕະ.

ແລ້ວກໍ່ຮູ້ສຶກອຸ່ນໃຈຂື້ນ ຢ່າງໃດກໍ່ດີຂ້ອຍຂໍຂອບໃຈນຳລາວທີ່ ຊ່ວຍເຫຼືອເງິນຄຳແລະນ້ຳໃຈອັນດີງາມຂອງລາວທີ່ມີຕໍ່ຂ້າພະເຈົ້າມື້ນີ້ທີ່ສຸດ.. ຖ້າຫາກໃຜກໍຕາມທີ່ຮູ້ເຫັນລາວຫືຼໄດ້ເຫັນໄດ້ອ່ານກໍ່ແຊ່ຣບອກລາວໃຫ້ຮູ້ຮັບຊາບແດ່ຂ້ອຍຢາກຈະຕອບແທນບຸນຄຸນນ້ຳຈິດນ້ຳໃຈຫືຼພາໄປລ້ຽງເຂົ້າໃຫ້ກິນອີ່ມຈົນໄປບໍ່ເປັນພຸ້ນແຫລະ.. ເສຍດາຍບໍ່ທັນໄດ້ຖ່າຍຮູບນຳ. ນີ້ແຫຼະຄົນດີຂອງສັງຄົມ ສຸດທ້າຍນີ້ຢາກຝາກເຕືອນທຸກທ່ານໃຫ້ມີສະຕິກ່ອນຈະໄປໃສ່ທາງໃດກໍ່ດີ ໃຫ້ກະກຽມເຄື່ອງຂອງເງິນຄຳກ່ອນຈະອອກຈາກເຮືອນຫໍເພື່ອເດີນທາງຈະບໍ່ເປັນແບບນີ້ອີກ. ຂໍຂອບໃຈ, ບົດຄວາມນີ້ເປັນບົດຄວາມຈາກຜູ້ບໍ່ປະສົງອອກນາມຕ້ອງການເລົ່າປະສົບການດີໆໃຫ້ສັງຄົມໄດ້ຮູ້ວ່າໃນໂລກນີ້ຍັງມີຄົນດີຢູ່ອີກຫຼາຍໆຮູ້ສືກປີ້ມແລະດີໃຈຫຼາຍ