ປະຊາຊົນ 18 ຄອບຄົວໄດ້ຮັບເງິນຄ່າຊົດເຊີຍທີ່ໄດ້ຮັບຜົນກະທົບຄອງສົ່ງນໍ້າຫ້ວຍໂທນຈາກເຂື່ອນໄຟຟ້າຫ້ວຍລຳພັນຕອນລຸ່ມ

ວັນທີ 21 ມັງກອນ 2021 ນີ້ຢູ່ທີ່ ບ້ານຈຸນລາ (ຄຸ້ມປາຍ ) ເມືອງທ່າແຕງແຂວງເຊກອງ ທ່ານ ພອນເພັດ ເພັດຕະກູນ ຜູ້ອຳນວຍການໃຫຍ່ ບໍລິສັດ ເຂື່ອນໄຟຟ້າຫ້ວຍລຳພັນພາວເວີ ຈຳກັດໄດ້ມອບເງິນຄ່າຊົດເຊີຍ ໃຫ້ປະຊາຊົນ ຈຳນວນ 18 ຄອບຄົວທີ່ໄດ້ຮັບຜົນກະທົບຄອງສົ່ງນ້ຳຫ້ວຍໂທນຈາກເຂື່ອນໄຟຟ້າຫ້ວຍລຳພັນຕອນລຸ່ມເປັນເງິນຈຳນວນ 182 ລ້ານກວ່າກີບ

ໂດຍຊ້ອງໜ້າພະແພກການ,ຫ້ອງການທີ່ກ່ຽວຂ້ອງຂັ້ນແຂວງ – ເມືອງອຳນາດການປົກຄອງ ແລະ ພໍ່ແມ່ປະຊາຊົນພາຍໃນບ້ານຮ່ວມເປັນສັກຄີພິຍານ. ໂອກາດ ດຽວກັນນີ້ ທ່ານ ເພັດດາວົງ ບຸນມີສະຫວັດ ຄະນະພະແນກຊັບພະຍາກອນທຳມະຊາດ ແລະ ສິງແວດລ້ອມແຂວງເຊກອງກໍ່ໄດ້ກ່າວສະແດງຄວາມຊົມເຊີຍຕໍ່ຜູ້ອຳນວຍກາຍໃຫຍ່ບໍລິສັດເຂື່ອນໄຟຟ້າຫ້ວຍລຳພັນພາວເວີຈຳກັດ,

ພ້ອມຮຽກຮ້ອງມາຍັງໃຫ້ປະຊາຊົນຜູ້ທີ່ໄດ້ຮັບເງິນ ຄ່າຊົດຜົນກະທົບຄອງສົ່ງນໍ້າຫ້ວຍໂທນຈາກ ເຂື່ອນໄຟຟ້າຫ້ວຍລຳພັນຕອນລຸ່ມ ຈົ່ງນຳໃຊ້ ເງິນຈຳນວນດັ່ງກ່າວໃຫ້ເປັນປະໂຫຍດ ແລະ ມີໄວ້ໃຫ້ຍາວນານ ບໍ່ໃຊ້ຟຸມເຟືອຍ ປະຢັດມັດທະຍັດ ທັງນີ້ ກໍ່ເພື່ອເປັນການຍົກລະດັບຊີວິດການເປັນຢູ່ຂອງປະຊາຊົນ ແຕ່ລະຄອບຄົວທີ່ໄດ້ຮັບຜົນກະທົບຄອງສົ່ງນໍ້າຫ້ວຍໂທນຈາກເຂື່ອນໄຟຟ້າຫ້ວຍລຳພັນຕອນລຸ່ມໃຫ້ດີຂື້ນເປັນກ້າວໆ