ແຮງງານຕ່າງດ້າວຖືກຈັບແລະຖືກມອງວ່າເປັນຕົວບັນຫາ

ຈາກຜູ່ໃຊ້ເຟສບຸກຄົນໜື່ງໄດ້ໂພສວ່າ “ມີແຮງງານຕ່າງດ້າວຫຼາຍຄົນຖືກມອງວ່າເປັນໂຕບັນຫາໃນການແຜ່ເຊື້ອ ຂ້ອຍບໍ່ຢາກໃຫ້ພໍ່ແມ່ເຫັນຂ້ອຍຮ້ອງໄຫ້ເສຍໃຈ ເພາະບໍ່ຢາກໃຫ້ເພີ່ນທຸກໃຈນຳ ພວກຂ້ອຍຮູູ້ສືກທໍ້ແຕ່ກໍ່ທຳໃຈສູ້ຕໍ່ໄປ ເພື່ອຈະຫາເງິນມາລ້ຽງຊີວິດຕົນເອງແລະຄົນໃນຄອບຄົວ ຂໍເປັນກຳລັງໃຈໃຫ້ທຸກຄົນເດີ້”

ຈາກຂ່າວກ່ອນໜ້ານີ້ ຈາກການສອບສວນຂອງເຈົ້າຫນ້າທີ່ໄທ ທັງຫມົດສາລະພາບວ່າ ໄດ້ເຮັດງານເປັນເດັກເສີບ ທີ່ຮ້ານແຫ່ງຫນຶ່ງ ທີ່ກຸງເທບມະຫານະຄອນ, ແລ້ວຄິດຮອດບ້ານ ຄິດຮອດພໍ່-ແມ່ ແລະ ນາຍຈ້າງໄດ້ຕັດເງິນເດືອນ ເຫລືອແຕ່ວັນລະ 150 ບາດ ຈຶ່ງຕັດສິນໃຈລັກຫນີຈາກເຮືອນພັກ ມາຂຶ້ນລົດທົວໂດຍສານ ສາຍກຣຸງເທບ-ເຂັມມະຣາດ ແຕ່ໄດ້ມາຖືກເຈົ້າຫນ້າທີ່ຄວບຄຸມຕົວໄວ້ໄດ້ເສຍກ່ອນ

ໃນເບື້ອງຕົ້ນເຈົ້າຫນ້ທີ່ໄດ້ພາໄປກວດອຸນຫະພຸມໃນຮ່າງກາຍ ບໍ່ມີໄຂ້ແຕ່ຢ່າງໃດ. ວັນທີ 23 ທັນວາ 2020 ເວລາປະມານ 11:30 ໂມງ ເຈົ້າຫນ້າທີ່ຂອງໄທໄດ້ເຂົ້າຄວບຄຸມຕົວ 4 ຫນຸ່ມ ເມືອງສອງຄອນ, ແຂວງສະຫວັນນະເຂດ ໂດຍຈັບໄດ້ທີ່ແຄມຝັ່ງແມ່ນ້ຳຂອງ ທີ່ບໍລິເວນບ້ານໂພເມືອງຕຳບົນນາແວງ ອຳເພີເຂັມມະຣາດ ຈັງຫວັດອຸບົນຣາດຊະທານີ ຂະນະທີ່ນັ່ງລໍຖ້າຂຶ້ນເຮືອຫາງຍາວ

ເພື່ອຈະຂ້າມໄປຝັ່ງເມືອສອງຄອນ ແຂວງສະຫວັນນະເຂດ. ຂະນະເຈົ້າຫນ້າທີ່ສາທາລະນະສຸກກຳລັງກວດຮ່າງກາຍຢ່າງລະອຽດ ແລະ ເຈົ້າຫນ້າທີ່ກວດຄົນເຂົ້າເມືອງ ຕຳຫລວດຝ່າຍປົກຄອງ, ຝ່າຍຄວາມຫມັ້ນຄົງສອບປາກຄຳຢ່າງເຄັ່ງຂັດຫາກເດີນທາງມາຈາກພື້ນທີ່ສຽງ ຕ້ອງກັກຕົວ 14 ວັນ ເພື່ອລໍຖ້າເບິ່ງອາການ ກ່ອນຈະຜັກດັນກັບປະເທດ.