ປະກາດການແຕ່ງຕັ້ງຮອງຫົວໜ້າກົມ ແລະ ຫົວໜ້າພະແນກຂອງກົມນ້ຳມັນເຊື້ອໄຟ

ໃນວັນທີ 28 ສິງຫາ 2020 ນີ້, ກົມໃຫຍ່ພະລາທິການກອງ ທັບ ໄດ້ຈັດຕັ້ງພິທີປະກາດການ ແຕ່ງຕັ້ງຮອງຫົວໜ້າກົມນໍ້າມັນ ເຊື້ອໄຟ, ຫົວໜ້າພະແນກ ແລະ ຮອງພະແນກທີ່ຂຶ້ນກັບໂດຍການ ເປັນປະທານຂອງ ສະຫາຍ ພົນ ຈັດຕະວາ ຄຳເພັດ ສີຊານົນ ກຳ ມະການຄະນະພັກກະຊວງປ້ອງ ກັນປະເທດ ຮອງຫົວໜ້າກົມໃຫຍ່ ພະລາທິການກອງທັບ, ມີບັນດາ ຄະນະພັກ, ຄະນະບັນຊາ, ພ້ອມ ດ້ວຍພະນັກງານຫຼັກແຫ່ຼງພາຍໃນກົມນໍ້າມັນເຊື້ອໄຟກົມໃຫຍ່ພະ ລາທິການເຂົ້າຮ່ວມ. ສະຫາຍ ພັນໂທ ໄພວັນ ໄຊພູ ບານ ຮອງຫົວໜ້າຫ້ອງການເມືອງກົມ ໃຫຍ່ພະລາທິການກອງທັບ ໄດ້ ຂຶ້ນຜ່ານຂໍ້ຕົກລົງຂອງກະຊວງ ປ້ອງກັນປະເທດ ວ່າດ້ວຍ ການຍົກ ຍ້າຍ ແລະ ແຕ່ງຕັ້ງນາຍທະຫານ ໄປຮັບໜ້າທີ່ໃໝ່ຢູ່ກົມນໍ້າເຊື້ອໄຟ ກົມໃຫຍ່ພະລາທິການກອງທັບ ອີງຕາມກົດໝາຍນາຍທະຫານ ກອງທັບປະຊາຊົນລາວ (ສະບັບ ປັບປຸງ) ໃນພາກທີ 2 ໝວດ 4 ມາດຕາທີ 26 ວ່າດ້ວຍ ການແຕ່ງ ຕັ້ງຍົກຍ້າຍນາຍທະຫານ ໃນນີ້ ປະກາດແຕ່ງຕັ້ງ ສະຫາຍ ພັນໂທ ເພັດທອງຄູນ ວົງຜາສຸກ ເປັນ ຮອງຫົວໜ້າກົມນໍ້າມັນເຊື້ອໄຟ ກົມໃຫຍ່ພະລາທິການກອງທັບ ແລະ ຂໍ້ຕົກລົງຂອງກົມໃຫຍ່ການ ເມືອງກອງທັບ ວ່າດ້ວຍ ການ ແຕ່ງຕັ້ງຂັ້ນພະແນກການຂອງ ກົມນໍ້າມັນເຊື້ອໄຟ ດັ່ງນັ້ນກົມ ໃຫຍ່ການເມືອງກອງທັບ ຕົກລົງ ແຕ່ງຕັ້ງຫົວໜ້າພະແນກ ແລະ ຮອງຫົວໜ້າພະແນກຄື:

ສະຫາຍ ພັນໂທ ຫຸມເພັງ ເພັງລາວັນ ເປັນ ຫົວໜ້າພະແນກນໍ້າມັນເຊື້ອໄຟ, ແຕ່ງຕັ້ງ ສະຫາຍ ພັນໂທ ບຸນຊູ ເທບວົງສາ ເປັນຮອງຫົວໜ້າພະ ແນກນໍ້າມັນເຊື້ອໄຟ ແລະ ແຕ່ງ ຕັ້ງສະຫາຍ ພັນໂທ ພູວົງ ຫຼວງ ຄຳ ເປັນຮອງຫົວໜ້າພະແນກ ແຜນການກົມນໍ້າມັນເຊື້ອໄຟກົມ ໃຫຍ່ພະລາທິການກອງທັບ, ການແຕ່ງຕັ້ງຄັ້ງນີ້ກໍ ເພື່ອເປັນ ການປັບປຸງບູລະນະກົງຈັກການ ຈັດຕັ້ງນຳພາ-ບັນຊາ ໃນກຳລັງ ປະກອບອາວຸດໃຫ້ເຂັ້ມແຂງ, ໜັກແໜ້ນຮອບດ້ານເພື່ອ ເຮັດສຳ ເລັດໜ້າທີ່ການເມືອງຂອງກົມ ກອງໃຫ້ມີໃບໜ້າອັນໃໝ່. ສະຫາຍ ພົນຈັດຕະວາ ຄຳ ເພັດ ສີຊານົນ ໄດ້ເນັ້ນໜັກໃຫ້ຜູ້ທີ່ ໄດ້ຮັບການແຕ່ງຕັ້ງຈົ່ງຍົກສູງ ຄວາມຮູ້ຄວາມສາມາດໃນການ ຊີ້ນຳ-ນຳພາ, ບັນຊາໃຫ້ມີຄວາມ ໜັກແໜ້ນເຂັ້ມແຂງ, ມີຄວາມຮັບ ຜິດຊອບຕໍ່ໜ້າທີ່ການເມືອງທີ່ໄດ້ ຮັບມອບໝາຍ, ຕັ້ງໜ້າເຝິກຝົນຫຼໍ່ ຫຼອມທາງດ້ານຄຸນທາດການ ເມືອງ, ຄຸນສົມບັດສິນທຳປະຕິ ວັດໃຫ້ເລິກເຊິ່ງ, ເພີ່ມທະວີຄວາມ ສາມັກຄີພາຍໃນໃຫ້ແໜ້ນແຟ້ນ, ພາຍນອກໃຫ້ກວ້າງຂວາງ, ຍົກ ສູງບົດບາດການນຳພາຂອງພັກ, ມີການປຶກສາຫາລືເປັນໝູ່ຄະນະ, ມີຄວາມເປັນເອກະພາບໃນທຸກ ວຽກງານ, ລວມສູນປະຊາທິປະ ໄຕ, ສືບຕໍ່ເຮັດວຽກງານສຶກສາ ອົບຮົມການເມືອງ-ນຳພາແນວ ຄິດໃຫ້ເຂັ້ມແຂງຕິດພັນກັບຂະ ບວນການຕ່າງໆ ເພື່ອຈັດຕັ້ງນຳ ພາກົມກອງໃຫ້ມີໃບໜ້າອັນໃໝ່. ໂດຍ: ຄຳໄພວັນ