ຂ້ອຍເລີກກັບແຟນຍ້ອນພໍ່ແມ່ແຟນກີດກັນ

ສະບາຍດີຂ້ອຍມີເລື່ອງປະສົບການກ່ຽວກັບຄວາມຮັກ ຢາກຂໍໃຫ້ເເອັດມິນເປັນສື່ກາງໃນການແຊປະສົບການຄວາມຮັກຂອງຂ້ອຍເພື່ອເຕືອນໃຫ້ຫລາຍໆຄົນທີ່ຕົກຍູ່ໃນພາວະດຽວກັນກັບຂ້ອຍ, ຂ້ອຍຊື່… ສ່ວນແຟນຂ້ອຍຊື່… ເຮົາຮັກກັນມາໄດ້ 3 ປີ ຂ້ອຍເປັນຄົນບ້ານນອກທີ່ເຂົ້າມາຮຽນໃນເມືອງໃຫຍ່ບໍ່ຮູ້ສັງຄົມ ບໍ່ຮູ້ທາດແທ້ຂອງຄົນ,

ຂ້ອຍກັບລາວຮັກກັນຫລາຍ ຍູ່ກີນນຳກັນມີຫຍັງຊ່ວຍເຫລືອກັນທຸກຢ່າງ ທັງເວລາທຸກເວລາສຸກ ເຄີຍເລິກກັນຫລາຍຄັ້ງແລ້ວ ສຸດທ້າຍກະກັບມາຮັກກັນຄືເກົ່າ ຄອບຄົວຂອງເເຟນຂ້ອຍບໍ່ຄ່ອຍຈະຍອມຮັບໃນຕົວຂ້ອຍ, ທຸກຄັ້ງທີ່ຂ້ອຍຢູ່ກັບພວກເຂົາ ສາຍຕາທີ່ພວກເຂົາເບີ່ງຂ້ອຍ ເບີ່ງຄືຂ້ອຍເປັນຄົນຕ້ອຍຕ່ຳທັງບໍ່ໃຫ້ກຽດ ທັງເວົ້າໃສ່ຫນ້າວ່າບໍ່ມັກຂ້ອຍ ເພາະຂ້ອຍເປັນຄົນລາວ ສ່ວນແຟນຂ້ອຍເປັນຄົນຢ້າວ ຂ້ອຍຮູ້ທັງຮູ້ວ່າເຂົາເຈົ້າບໍ່ມັກຂ້ອຍ ແຕ່ຂ້ອຍກະອົດທົນ ເພາະຄິດວ່າຄວາມດີຊິສາມາດຊື້ໃຈຄົນໄດ້ ແຟນຂອງຂ້ອຍບອກຂ້ອຍໃຫ້ອົດທົນ

ໃຫ້ເຊື່ອໃຈເຂົາ ຈົນມາຮອດປີນີ້ເປັນປີສຸດທ້າຍທີ່ຂ້ອຍຈະຮຽນຈົບ ເຮົາສັນຍາວ່າຈະມາຫມັ້ນຫມາຍຂໍແຕ່ງດອງປີຊິມານີ້, ແຕ່ພໍ່ແມ່ເຂົາເອົາເລື່ອງສາດສະຫນາຮິດຄອງເຂົ້າມາຕັດສີນ ໂດຍການເອົາວັນເດືອນປີເກີດຂອງຂ້ອຍກັບແຟນໄປເບີ່ງມື້ນຳຫມໍຜີໂດຍເປັນຄົນຢ້າວຄືກັນກັບເຂົາແລ້ວແມ່ລາວກະບອກວ່າຂ້ອຍກັບແຟນບໍ່ສາມາດເຂົ້າກັນໄດ້ ວ່າຂ້ອຍນີ້ຫາກີນບໍ່ຂື້ນບໍ່ຮັກຄອບຮັກຄົວເອົາກັນໄປກະບໍ່ມີຄວາມສຸກມີແຕ່ທຸກໃຈຊິໄດ້ປະໄດ້ຮ້າງ ເເລ້ວໄຫ້ແຟນຂ້ອຍມາບອກຂ້ອຍວ່າໃຫ້ເຮົາເລິກກັນສາ, ພໍ່ແມ່ລາວຊິໃຫ້ລາວໄປແຕ່ງກັບຄົນຊົນເຜົ່າດຽວກັນກັບເຂົາເຈົ້າເຊີ່ງພໍ່ແມ່ໄດ້ຫາໃຫ້ແລ້ວສິໃຫ້ແຕ່ງງານໃນປີຊິມານີ້

ຂ້ອຍບໍ່ຮູ້ຈະເວົ້າແນວໃດທັງເຈັບໃຈທັງເສຍຫນ້າ ຂ້ອຍພະຍາຍາມຕິດຕໍ່ລາວທຸກທາງລາວກະບໍ່ຮັບໂທລະສັບຂ້ອຍ ບລ໋ອກຂ້ອຍທຸກທາງ (ພໍ່ແມ່ກີດກັນພວກຂ້ອຍທຸກທາງໂດຍບໍ່ຄິດເຫັນໃຈລູກ) ສັນຍາບໍ່ເປັນສັນຍາ, ເຫດການນີ້ສອນໃຫ້ຂ້ອຍຮູ້ວ່າຄວາມຮັກບໍ່ແມ່ນເລື່ອງຂອງຄົນ 2 ຄົນອິກຕໍ່ໄປຄວາມຮັກທີ່ພໍ່ແມ່ບໍ່ເຫັນດີສຸດທ້າຍແລ້ວມັນກະໄປບໍ່ລອດ, #ຈາກເລື່ອງເລົ່າຊີວິດຈິງຂອງສາວຄົນນີ້ ກະຂໍເປັນກຳລັງໃຈ ແລະ ຂໍໃຫ້ຜ່ານຜ່າອຸປະສັກຈຸດໆນີ້ໃຫ້ໄດ້ ຄົນອື່ນບໍ່ຮັກກະຂໍໃຫ້ຮັກຕົວເອງ ແລະ ຍັງມີຄວາມຮັກຈາກພໍ່ແມ່ເຮົາທີ່ເປັນຮັກແທ້ຄ່ອຍຢູ່ຄຽງຂ້າງເຮົາສະເຫມີ ສູ້ໆເດີ້