ສີ່ງດີໆມີປະໂຫຍດ 3 ສູດ​ນ້ຳ​ຂິງ​ເພື່ອ​ສຸຂະພາບ​ ດື່ມແລ້ວ​ຊ່ວຍຫຼຸດ​ນ້ຳ​ໜັກ​ ແກ້​ເຈັບປະຈຳ​ເດືອນ​ ແກ້​ສິວ​ແກ້ຝ້າ​ ໜ້າໃສປິ່ງ !!

👉ຝາກແຊໃຫ້ເພື່ອນແນ່ເດີ້🙏🙏🙏 ສະໝຸນໄພ​ນີ້​ມີ​ປະໂຫຍດ​ຫຼາຍ​ແທ້ໆ​ ບໍ່​ພຽງ​ແຕ່​ຊ່ວຍ​ຫຼຸດ​ນ້ຳ​ໜັກ​ເທົ່າ​ນັ້ນ​ ແຕ່​ຍັງ​ຊ່ວຍ​ບຳ​ລຸງ​ຮ່າງ ກາຍ​ໄດ້​ອີກ​​ ໃຜ​ຢາກຮຸ່ນ​ງາມ​ສຸຂະພາບ​ດີ​ ມາ​ຮຽນ​ຮູ້​ປະໂຫຍດ​ຂອງ​ນ້ຳ​ຂິງ​ ພ້ອມ​ກັບ​ສູດ​ນ້ຳ​ຂິງ​​ທີ່​ສາມາດ​ເຮັດ​ເອງ​ໄດ້ຢູ່ບ້ານ​ ຮັບຮອງ​ວ່າ​ໄດ້​ປະໂຫຍດ​ແນ່ນອນ​

ນ້ຳ​ຂິງ​ຊ່ວຍ​ຫຼຸດ​ນ້ຳ​ໜັກ​ໄດ້ແນວໃດ​? ນັກ​ວິ​ໄຈ​ຊາວ​ຍີ່​ປຸ່ນ​ L.K. Han ທີ່​ໄດ້​ຕີ​ພິມ​ປະໂຫຍດ​ຂອງ​ສ​ະໝຸນ​ໄພຊະນິດ​ນີ້ລົ​ງ​ໃນ​ວາລະ​ສານ​ວິ​ຊາ​ການ​ Journal of the Pharmaceutical Society of Japan ໃນ​ປີ​ 2008 ໄວ້​ວ່າ​ “ຂິງ​ເປັນ​ສະ​ໝຸນ​ໄພ​ທີ່​ມີ​ສ່ວນ​ຊ່ວຍ​ເພີ່ມ​ອັດຕາ​ການ​ເຮັດ​ວຽກ​ຂອງ​ລະບົບ​ເຜົາ​ຜານ ຈຶ່ງ​ເຮັດໃຫ້​ຮ່າງກາຍ​ເກີດ​ການ​ເຜົາ​ຜານ​ໄຂ​ມັນ​ໄດ້​ຫຼາຍກວ່າ​ປົກ ກະຕິ​ ແລະ ​ມີ​ສ່ວນ​ຊ່ວຍ​ໃນ​ການ​ຫຼຸດ​ນ້ຳ​ໜັກ​ໄດ້​ຜົນ​”

ນອກ​ຈາກ​ນີ້​ ການ​ດື່ມ​ນ້ຳ​ຂິງ​ອຸ່ນ​ໆ​ ຍັງ​ເປັນ​ຜົນ​ດີີ​ຕໍ່​ລະບົບ​ຂັບ​ຖ່າຍ​ ຊ່ວຍ​ຫຼຸດ​ອາການ​ທ້ອງ​ຜູກ​ ແລະ​ ຫຼຸດ​ລະ​ດັບ​ຮໍ​ໂມນ​ຄໍ​ຕິ​ຊອນ​ ອັນ​ເປັນ​ສາ​ເຫດ​ຂອງ​ຄວາມ​ຄຽດ​ໄດ້​ເປັນ​ຢ່າງ​ດີ​ ເພາະ​ເວລາ​ທີ່​ເຮົາ​ຄຽດ​ກໍ​ຈະ​ຍິ່ງ​ເຮັດໃຫ້​ມີ​ແນວ​ໂນ້ມ​ກິນ​ອາຫານ​ທີ່​ມີ​ແຄລໍ​ຣີ​ສູງ ​ຫຼື ​ກິນ​ຂອງ​ຫວານ​ເພີ່ມ​ຫຼາຍ​​ຂຶ້ນ​ ຈົນ​ເຮັດໃຫ້​ນ້ຳ​ໜັກ​​ເພີ່ມ​ຂຶ້ນ​ໄດ້​ ສະ​ນັ້ນ​ ນ້ຳ​ຂິງ​ຈຶ່ງ​ເໝາະ​ສຳ ລັບ​ສາວ​ໆ​ ທີ່​ຕ້ອງ​ການ​ດື່ມ​ຫຼຸດ​ນ້ຳ​ໜັກ​ດ້ວຍ​ຕົວ​ເອງ​​ຫຼາຍ​ທີ່ສຸດ​ ປະໂຫຍດ​ດ້ານ​ອື່ນ​ໆ​ຂອງ​ນ້ຳ​ຂິງ​ ນອກ​ຈາກ​ນ້ຳ​ຂິງ​ຈະ​ດື່ມ​ຫຼຸດ​ນ້ຳ​ໜັກ​ໄດ້​ແລ້ວ​ ຂິງ​ຍັງ​ເຕັມໄປ​ດ້ວຍ​ສັບພະຄຸນ​ທາງ​ຢາ​ຫຼາຍ​ປະ​ການ​ ໄດ້​ແກ່…

1. ຊ່ວຍ​ບັນ​ເທົາ​ອາການ​ທ້ອງ​ອືດ​ ແລະ ​ຊ່ວຍ​ຂັບ​ລົມ​
2. ຊ່ວຍ​ໃຫ້​ຄົນ​ທ້ອງ​ຫຼຸດ​ອາການ​ແພ້​ທ້ອງ​ ຫຼື​ ຊ່ວຍ​ຟື້ນ​ຟູ​ຮ່າງກາຍ​ຫຼັງ​ເກີດລູກ​
3. ຫຼຸດ​ຮອຍ​ສິວ​ ແລະ ​ຝ້າໄດ້​
4. ແກ້​ປວດ​ຮາກ​
5. ຊ່ວຍ​ແກ້​ເຈັບ​ປະຈຳ​ເດືອນ​
6. ຊ່ວຍ​ຕໍ່​ຕ້ານ​ເຊື້ອ​ພະຍາດ​

ເອີ້ນ​ໄດ້​ວ່າ​ ນ້ຳ​ຂິງ​ມີ​ປະໂຫຍດ​ຮອບ​ດ້ານ​ແທ້ໆ​ ດັ່ງ​ນັ້ນ​ ມາລ​ອງ​ເບິ່ງ​ສູດ​ນ້ຳ​ຂິງ​ທີ່​ເຮັດ​ເອງ​​ງ່າຍໆ​ຢູ່​ບ້ານ​​ ຈະ​ໄດ້ຮັບ​ປະໂຫຍດ​ໄປ​ນຳກັນ​ ສູດ​ຫຼຸດ​ນ້ຳ​ໜັກ​ດ້ວຍ​ນ້ຳ​ຂິງ​ໃຜ​ກຳ​ລັງ​​ຫາ​ວິທີ​ຫຼຸດ​ນ້ຳ​ໜັກ​ດ້ວຍ​ຕົວ​ເອງ​ໃນ​ແບບ​ງ່າຍໆ​ ແນະ​ນຳ​ໃຫ້​ລອງ​ເຮັດ​ນ້ຳ​ຂິງ​ດື່ມ​ເພື່ອ​ເປັນ​ສູດ​ຫຼຸດ​ນ້ຳ​ໜັກ​ໃນ​ແບບ​ທຳມະຊາດ​ດັ່ງ​ນີ້​​
ສູດ​ທີ່​ 1 ສູດ​ນ້ຳ​ຂິງ​ຮ້ອນ​ໆ​ ທີ່​ໄດ້​ຈາກ​ຂິງ​ສົດ​ ສ່ວນ​ປະສົມ​ທີ່​ໃຊ້​: ຂິງ​ສົດ​ບົດ​ 1 1/2 ບ່ວງ​ຊາ​ + ນ້ຳ​ຮ້ອນ​ 1 ແກ້ວ​
ວິທີ​ເຮັດ​
1. ຕັກ​ຂິງ​ສົດ​ທີ່ບົດ​ແລ້ວ​ໃສ່​ລົງ​ໄປ​ໃນ​ແກ້ວ​ນ້ຳ​ຮ້ອນ​ທີ່​ກຽມ​ໄວ້​
2. ຄົນ​ໃຫ້​ສ່ວນ​ປະສົມ​ເຂົ້າ​ກັນ​ ແລ້ວ​ຄ່ອຍ​ໆ​ ຈິບ​ຕາມ​ຕ້ອງ​ການ​
ໝາຍ​ເຫດ: ສຳລັບ​ໃຜ​ທີ່​ຕ້ອງ​ການ​ຈິບ​ນ້ຳ​ຂິງ​ແບບ​ເຂັ້ມ​ຂົ້ນ​ ສາມາດ​ເພີ່ມ​ປະລິມານ​ຂອງ​ຂິງ​ບົດ​ລົງ​ໄປ​ໄດ້​ອີກ​

ສູດ​ທີ່​ 2 ສູດ​ນ້ຳ​ຂິງ​ປະສົມ​ໝາກ​ນາວ​ (ສູດ​ກິນ​ງ່າຍ​) ສ່ວນ​ປະສົມ​ທີ່​ໃຊ້​: ຂິງ​ສົດ​ຂະໜາດ​ 1/2 ນິ້ວ​ + ນ້ຳ​ໝາກ​ນາວ​ຫຼື​ນ້ຳ​ເລມ​ອນ​ + ນ້ຳ​ເຜິ້ງ​
ວິທີ​ເຮັດ​
1. ກຽມ​ນ້ຳ​ອຸ່ນ​ໃສ່​ແກ້ວ​ໄວ້​ 1 ໜ່ວຍ​
2. ນຳ​ຂິງ​ມາ​ແຊ່ລົ​ງ​ໃນ​ແກ້ວ​ນ້ຳ​ອຸ່ນ​ປະ​ມານ​ 3-5 ນາ​ທີ​
3. ຕື່ມ​ນ້ຳ​ໝາກ​ນາວ​ລົງ​ໄປ​ນ້ອຍໆ​ ຫຼື ​ຝານ​ໝາກ​ນາວ​ໃຫ້ເປັນ​ແຜ່ນ​ບາງ​ໆ​ ນຳ​ລົງ​ໄປ​ແຊ່​ຕໍ່​ໃນ​ແກ້ວ​ນ້ຳ​
4. ຕື່ມ​ນ້ຳເ​ຜິ້ງ​ລົງ​ໄປ​ອີກ​ 1/2 ບ່ວງ​ຊາ​ ເພື່ອ​ຊ່ວຍ​ຫຼຸດ​ລົດ​ຊາດ​ເຜັດ​ຮ້ອນ​ຈາກ​ຂິງ​ ແລະ ​ຍັງ​ຊ່ວຍ​ໃຫ້​ໄດ້​ລົດ​ຊາດ​ທີ່​ຫອມ​ຫວານ​ຫຼາຍ​ຂຶ້ນ​

ສູດ​ທີ່​ 3 ສູດ​ປະສົມ​ (ເກັບ​ໄວ້​ຊົງ​ກິນ​ໄດ້​ດົນ​) ສ່ວນ​ປະສົມ​ທີ່​ໃຊ້​: ຂິງ​ແກ່​ + ຂ່າ​ແກ່​ + ຫົວສີໄຄ​
ວິທີ​ເຮັດ​
1. ລ້າງ​ໃຫ້​ສະ​ອາດ​ ປອກ​ເປືອກ​ຂິງ​ແລະ​ຂ່າ​ອອກ​
2. ຊ່ອຍ​ສະ​ໝຸນ​ໄພ​ແຕ່​ລະ​ຊະນິດ​ອອກ​ເປັນເນື້ອ​ບາງ​ໆ​ ນຳ​ເຂົ້າ​ເຕົາ​ອົບ​ອົບ​ດ້ວຍ​ອຸນ​ຫະພູມປະ​ມານ​ 40-60 ອົງ​ສາ​​ ດົນ​ 3 ຊົ່ວ​ໂມງ​ ຫຼື​ ວາງ​ສະ​ໝຸນ​ໄພ​ເທິງ​ຖາຈາກ​ນັ້ນຍົກ​ໄປ​ຕາກ​ແດດ​ 2 ມື້​ ຈົນ​ກວ່າສະ​ໝຸນ​ໄພ​ແຫ້ງ​
3. ນຳ​​ຢາ​ທີ່​ໄດ້​ມາ​ເທ​ໃສ່​ໂຫຼ​ແກ້ວ​ເກັບ​ໄວ້​ໃຫ້​ປອດ​ຈາກ​ຄວາມ​ຊື້ນ​
4. ຫາກ​ຈະ​ໃຊ້​ດື່ມ​ໃຫ້ຈັບ​ຢາປະ​ມານ​ 1 ຍິບ​ມື​ໃສ່​ລົງ​ໃນ​ແກ້ວ​ ເທ​ນຳ​ຮ້ອນ​ລົງ​ໄປ​ເກືອບ​ເຕັມ​ແກ້ວ​ ປິດ​ຝາ​ຖິ້ມ​ໄວ້​ 15 ນາ​ທີ​ ແລະ ​ດື່ມ​ໃນ​ຂະນະ​ທີ່​ຍັງ​ອຸ່ນ​ໆ​ ຈະໃຫ້​ຜົນ​ທີ່​ດີ​ທີ່ສຸດ​