ເຈົ້າເຮັດແນວໃດຈື່ງບໍ່ເຫງົາໃນມື້ປີໃໝ່

ສະບາຍດີທ່ານລູກຄ້າທີ່ຮັກແພງ 12 ເດືອນທີ່ຜ່ານເຂົ້າມາຊີວິດໃຫ້ບົດຮຽນກັບເຮົາມາຫຼາຍ ແນ່ນອນວ່າຕ້ອງມີທັງເລື່ອງດີ ແລະ ບໍ່ດີ ເປັນເລື່ອງປົກກະຕິຂອງຊີວິດມະນຸດທຸກຄົນ ແຕ່ຈົ່ງຮູ້ໄວ້ວ່າ ບໍ່ວ່າຈະເປັນເລື່ອງທີ່ເຮັດໃຫ້ມີຮອຍຍີ້ມ ຫຼື ເລື່ອງທີ່ເຮັດໃຫ້ມີນໍ້າຕາ ມື້ໃດມື້ໜຶ່ງມັນກໍ່ຜ່ານໄປ ຄືກັບປີເກົ່າ ທີ່ກໍາລັງຈະຜ່ານໄປແບບນີ້ືທຸກໆປີ

ສໍາລັບໃຜທີ່ຍັງບໍ່ມີແຜນຈະໄປຫຼີ້ນໃສ ຫຼື ຕັດສິນໃຈແລ້ວວ່າຈະ ຢູ່ເຮືອນຂ້າມປີ ບໍ່ຢາກອອກໄປໃສໃຫ້ສັບສົນວຸ້ນວາຍ,​ ແຕ່ຖ້າຢູ່ເຮືອນລ້າໆ ກໍ່ອາດຈະເບື່ອໄດ້ ມື້ນີ້ເລີຍມີກິດຈະກໍາຢູ່ບ້ານຊ່ວງສົ່ງທ້າຍປີເກົ່າ ຕ້ອນຮັບປີໃໝ່ ມາແນະນໍາໃຫ້ຜູ້ທີ່ຈະຢູ່ເຮືອນແບບຍາວໆ

ມີຫຍັງແດ່ ໄປເບິ່ງນໍາກັນໂອກາດນີ້,ຂໍອວຍພອນອັນປະເສີດໃຫ້ຜູ້ອ່ານທຸກທ່ານມີຄວາມສຸກຢ່າງເຕັມທີ່ ແລະ ຜ່ານເລື່ອງດີເລື່ອງຮ້າຍໄປພ້ອມໆກັນໃນປີໜ້າ ສະບາຍດີປີໃໝ່ 2020, +ໃຫ້ເວລາກັບຄອບຄົວ: ມື້ພັກແບບນີ້ ນອກຈາກຈະໃຫ້ເວລາກັບໝູ່ຄູ່ ຄົນຮັກແລ້ວ

ຕ້ອງບໍ່ລືມໃຫ້ເວລາກັບຄອບຄົວນໍາເດີ້, ຊົດເຊີຍສໍາລັບໃຜທີ່ບໍ່ມີເວລາໃຫ້ກັບຄອບຄົວມາຕະຫຼອດປີ ເພາະວຽກຫຼາຍ ຈົນລະເລີຍຄວາມສໍາຄັນຂອງຄອບຄົວໄປ ຊ່ວງນີ້ແຫຼະ ໃຊ້ເວລາໃຫ້ກັບພວກເຂົາໃຫ້ເຕັມທີ່ ໂດຍການເຮັດອາຫານງ່າຍໆກິນກັນຢູ່ເຮືອນ

ຫຼື ຫຼີ້ນບອດເກມແລກປ່ຽນສິ່ງຕ່າງໆທີ່ພົບພໍ້ມາຕະຫຼອດປີ, +ຢູ່ຊື່ໆ ບໍ່ຕ້ອງເຮັດຫຍັງ: ບໍ່ຕ້ອງເຮັດຫຍັງເລີຍ ພັກສະໝອງ ພັກຮ່າງກາຍ ພັກຈິດໃຈໃຫ້ເຕັມທີ່ ປ່ອຍຮ່າງກາຍໃຫ້ ລີແລັກ ຜ່ອນຄາຍຈາກຄວາມເມື່ອຍທີ່ພົບພໍ້ມາຕະຫຼອດປີ, +ອ່ານໜັງສື ແລະ ເບິ່ງຮູບເງົາແບບມາລະທອນ: ລອງໄປຄົ້ນເບິ່ງປື້ມທີ່ຊື້ມາແຕ່ຕົ້ນປີ

ທີ່ຊື້ແລ້ວຊື້ອີກ ແຕ່ຍັງບໍ່ມີໂອກາດໄດ້ອ່ານຈັກເທື່ອ ປະໄວ້ຈົນຂີ້ຝຸ້ນຂຶ້ນເຕັມ, ໄດ້ໂອກາດແລ້ວ ໄປຈັບມາປັດຝຸ່ນ ແລ້ວອ່ານວົນໄປ ຫຼື ຖ້າເປັນສາຍຮູບເງົາ ກຽມລາຍຊື່ຮູບເງົາທີ່ຍັງບໍ່ໄດ້ເບິ່ງ ແລ້ວມາເບິ່ງໃນມື້ພັກຍາວນີ້ເລີຍ,

+ຈັດລະບຽບ ເຄ່ຍທຸກຢ່າງ: ມີເວລາແລ້ວ ຈະມ້ຽນເຮືອນ ມ້ຽນຫ້ອງ ຫຼື ເຄ່ຍໜີ້ສິນ ເຄ່ຍຄວາມສໍາພັນທີ່ຄ້າງຄາມາຕະຫຼອດປີ ຊ່ວງນີ້ແຫຼະ ເປັນໂອກາດທີ່ເໝາະສົມທີ່ສຸດ ເປັນການຖີ້ມສິ່ງເກົ່າໆອອກໄປ ເພື່ອຕ້ອນຮັບສິ່ງໃໝ່ໆ

ທີ່ກໍາລັງຈະເຂົ້າມາ ສໍາລັບຜູ້ສາວກໍ່ເລີ່ມຈາກຈຸດນ້ອຍໆ ເຊັ່ນ ຕູ້ເຄື່ອງນຸ່ງ ຫຼື ໂຕະແຕ່ງໜ້າ ກໍ່ໄດ້ ຫຼື ເລີ່ມຈາກໂທລະສັບ ລອງຄົ້ນເບິ່ງວ່າ ຮູບໃດ ແອັບໃດ ຟຣາຍໃດ ທີ່ກິນພື້ນທີ່ຄວາມຈໍາຫຼາຍໆ ຖ້າບໍ່ຈໍາເປັນກໍ່ລືມຖີ້ມເລີຍ.