“ແຈັກມ່າ”ບໍລິຈາກເງິນ 100 ລ້ານຢວນເພື່ອຕໍ່ສູ້ກັບໄວຣັດໂຄໂຣນາ

ເມື່ອວັນທີ 25 ມັງກອນ 2020 ທີ່ຜ່ານມາ ບໍລິສັດ ອາລີບາບາ ໄດ້ບໍລິຈາກເງິນ 1.000 ລ້ານຢວນ ເພື່ອໃຫ້ນຳໄປຊື້ອຸປະກອນທາງການແພດສົ່ງໄປທີ່ເມືອງ ອູຮັ່ນ ແຂວງ ຫູເປີ່ຍ ຊຶ່ງເປັນສູນກາງການແຜ່ລະບາດຂອງໄວຣັສໂຄໂຣນາສາຍພັນໃໝ່

ທັງຍັງມອບຄອມພິວເຕີພ້ອມເທັກໂນໂລຢີປັນຍາປະດິດ (AI) ເພື່ອຊ່ວຍໃຫ້ທີມນັກວິທະຍາສາດໃນຈີນຄົ້ນຫາວິທີການຮັກສາພະຍາດປອດອັກເສບຈາກໄວຣັສໂຄໂຣນາ ທີ່ເຮັດໃຫ້ມີຄົນຈີນເສຍຊີວິດຫຼາຍກວ່າ 100 ຄົນ ແລະ ມີຜູ້ຕິດເຊື້ອກວ່າ 6.000 ຄົນ,

ແຫຼ່ງຂ່າວລາຍງານຂ່າວວ່າ ແຈັກ ມ່າ ເຈົ້າຂອງອາລີບາບາ ໃຫ້ການສະໜັບສະໜູນເງິນ 100ລ້ານຢວນຜ່ານມູນນິທິແຈັກ ໝ່າ ເພື່ອໃຫ້ນຳໄປພັດທະນາວັກຊີນໃຊ້ຮັກສາໄວຮັດໂຄໂຣນາ ທີ່ກຳລັງລະບາດໜັກໃນຈີນ ແລະ ທົ່ວໂລກໃນຕອນນີ້,

ມູນນິທີແຈັກ ມ່າ ລະບຸວ່າ ມະຫາເສດຖີຜູ້ຮັ່ງມີທີ່ສຸດໃນຈີນຄົນນີ້ ໄດ້ຈັດສັນງົບປະມານ 40 ລ້ານຢວນໃຫ້ກັບອົງກອນວິໄຈຂອງລັດຖະບານຈີນ 2 ແຫ່ງ ແລະ ບໍລິຈາກເງິນອີກ 60 ລ້ານຢວນເພື່ອໃຫ້ນຳໄປສະໜັບສະໜູນການປ້ອງກັນ ແລະ ບຳບັດຮັກສາຜູ້ຕິດເຊື້ອໄວຣັສໂຄໂຣນາ