ວິທີປ້ອງກັນໂຕເອງບໍ່ໃຫ້ຕິດເຊື້ອໄວຣັດໂຄໂຣນາເຊີ່ງວ່າມີຜູ້ຕິດເຊື້ອ​ແລ້ວ 9.720 ຄົນ

ມາຮອດເວລາ 8:50 ໂມງຂອງວັນສຸກທີ 31​ ມັງກອນ 2020 ນີ້ ຕົວເລກຂອງຜູ້ເສຍຊີວິດຈາກພະຍາດອັກເສບປອດ​ ຈາກເຊື້ອຈຸລະໂລກສາຍພັນໃຫມ່ມີຈໍານວນ​ 213 ຄົນ,

ຜູ້ຕິດເຊື້ອ​ 9.720 ຄົນ, ກໍລະນີສົງໄສມີ 15.238​ ຄົນ,​ ສໍາລັບຜູ້ທີ່ປິ່ນປົວໃຫ້ຫາຍຂາດມີ 171 ຄົນ. ຜ້າອັດປາກແບບທໍາມະດາ ທີ່ມີຂາຍຕາມທ້ອງຕະຫຼາດທົ່ວໄປສາມາດປ້ອງກັນພະຍາດອັກເສບປອດຈາກເຊື້ອຈຸລະໂລກສາຍພັນໃໝ່ (Novel Corona Virus-Ncov) ໄດ້ຫຼືບໍ່?ຕ້ອງໃສ່ແບບໃດຈຶ່ງຈະຖືກວິທີແລະສາມາດປ້ອງກັນໄດ້ບໍ່?

ເຮົາໃສ່ຜ້າອັດປາກແບບທໍາມະດາແມ່ນສາມາດປ້ອງກັນພະຍາດດັ່ງກ່າວໄດ້ ແຕ່ບໍ່ສາມາດປ້ອງກັນໄດ້ 100% ແລະເວລາໃສ່ຄວນເອົາເນື້ອຜ້າທີ່ເປັນສີອອນອອກນອກ, ດ້ານທີ່ເປັນສີຂາວເອົາເຂົ້າໃນ ເພື່ອປ້ອງກັນຕົວເອງໄດ້ໂດຍລ້າງມືໃສ່ສະບູ ຫຼືນໍ້າຢາຂ້າເຊື້ອ, ໃສ່ຜ້າອັດປາກເວລາອອກໄປຂ້າງນອກ ຫຼືຢູ່ບ່ອນຊຸມຊົນແອອັດທຸກໆຄັ້ງ.

ວິທີປ້ອງກັນໂຕເອງບໍ່ໃຫ້ຕິດເຊື້ອໄວຣັດ ໂຄໂຣນາ 2019(Novel Corona Virus-Ncov) ຫຼີກລ່ຽງການເດີນທາງໄປສະຖານທີ່ທີ່ມີໄວຣັສແພ່ລະບາດ ຫຼີກລ່ຽງການສໍາຜັດສັດ ແລະຊີ້ນສັດຈາກສະຖານທີ່ໄວຣັສແພ່ລະບາດ

ຫຼີກລ່ຽງການໄປຊຸມຊົນແອອັດ ຢູ່ຫ່າງຈາກຄົນຕິດເຊື້ອ ແລະຄົນໄອ-ຈາມ ໄປກວດສຸຂະພາບເມື່ອກັບຈາກສະຖານທີ່ມີຄວາມສ່ຽງ ໂທຫາສາຍດ່ວນ 166 ຫຼືເບີສຸກເສີນເພື່ອໄປໂຮງໝໍ ລ້າງມືດ້ວຍສະບູຫຼືເຫຼົ້າ

ກິນອາຫານທີ່ສຸກແລ້ວ ຫ້າມໃຊ້ພາຊະນະຮ່ວມກັນ ໃສ່ຜ້າອັດປາກເມື່ອໄປສະຖານທີ່ຕ່າງໆ. ຂໍ້ມູນທີ່ມາຈາກ: ຈາກກົມຄວບຄຸມພະຍາດແລະອົງການອານາໄມໂລກ